Fukui mağarası
Fukui mağarası (福井洞窟, Fukui dokutsu?) – Yaponiyanın Naqasaki prefekturasının Sasebo şəhəri yaxınlığında yerləşən mağara.[1] Mağara arxeoloji tapıntılarına görə tanınır.
| Fukui mağarası | |
|---|---|
 | |
| Ümumi məlumatlar | |
| Kəşf tarixi | 1935 |
| Yerləşməsi | |
| 33°17′32″ şm. e. 129°41′49″ ş. u. | |
| Ölkə | |
| fukuicave.jp/wg/ | |
|
|
|
Kəşfi[redaktə | mənbəni redaktə et]
Fukui mağarası 1935-ci ildə Fukui İnari məbədinin rekonstruksiyası zamanı kəşf edilmişdir.[2] Rekonstruksiya zamanı yerli tarixçilər burada ox ucluqları və saxsılar aşkar etmişdir.[2] 1960-cı ildə arxeoloqlar Serizava Çosuke və Kamaki Yoşimasanın başçılığı altında mağarada geniş qazıntı işləri başlamışdır.[2]
Tapıntılar[redaktə | mənbəni redaktə et]
1960-cı ildən bəri mağaranın qazılmış 16 təbəqəsinin 7-sində (1, 2, 3, 4, 7, 9 və 15) tapılmış tapıntılar burada insan məskunlaşmasını göstərir.[1] 15-ci təbəqədən tapılmış daş alətlərin radiokarbon testi ilə müəyyən edilmiş yaşı 31.900 ildir.[1] Bu, Yaponiyada paleolitik dövrdə insanların yaşadığını və alətlər hazırladığını göstərir.[1]
3-cü təbəqədə gildən hazırlanan və səthi zolaqlarla bəzədilmiş dulusçuluq məmulatı tapılmışdır.[1] Bu dulusçuluq məmulatının yaşının 12.700 ± 500 il olduğu və dünyada tapılmış ən qədim dulusçuluq məmulatı olduğu müəyyənləşdirilmişdir.[1] 2-ci təbəqədə yaşı 12.400 ± 350 il olan, üzərində yarıdairəvi təsvirlər olan dulusçuluq məmulatı tapılmışdır.[1] 1-ci təbəqədə isə ruletşəkilli saxsı aşkarlanmışdır.[1]
İstinadlar[redaktə | mənbəni redaktə et]
- ↑ 1 2 3 4 5 6 7 8 Kodansha Encyclopedia of Japan
- ↑ 1 2 3 "Discovery of Fukui Cave". Fukui Cave (ingiliscə). 17 sentyabr 2022 tarixində arxivləşdirilib. İstifadə tarixi: 17 sentyabr 2022.
Ədəbiyyat[redaktə | mənbəni redaktə et]
- Kodansha Encyclopedia of Japan (ingiliscə). II cild (Const–F). Tokio: Kodansha. 1983. səh. 363. ISBN 0-87011-622-3. İstifadə tarixi: 17 sentyabr 2022.
Xarici keçidlər[redaktə | mənbəni redaktə et]
- fukuicave.jp/wg/ja/top.html — Fukui mağarasının rəsmi saytı