Gülarə Cabbarlı
Gülarə Cəfər qızı Cabbarlı (11 fevral 1930, Bakı – 12 fevral 2018, Bakı) — filoloq, uzun illər Cəfər Cabbarlının ev-muzeyinin direktoru olub. Dramaturq Cəfər Cabbarlının qızıdır. "C. Cabbarlı adına mədəniyyət, elm və təhsilin inkişafına yardım İctimai Birliyi"nin rəhbəri, "Cəfər Cabbarlı Mükafatı" komissiyasının sədri.
| Gülarə Cabbarlı | |
|---|---|
| Gülarə Cəfər qızı Cabbarlı | |
| Doğum tarixi | 11 fevral 1930 |
| Doğum yeri | Bakı, Azərbaycan SSR, ZSFSR, SSRİ |
| Vəfat tarixi | 12 fevral 2018 (88 yaşında) |
| Vəfat yeri | |
| Vətəndaşlığı |
 Azərbaycan |
| Həyat yoldaşı | Seyfəddin Dağlı[1] |
| Atası | Cəfər Cabbarlı |
| Anası | Sona Cabbarlı |
| Təhsili | Bakı Dövlət Universiteti |
| Fəaliyyəti | filoloq |
| Mükafatları | "Fəxri Mədəniyyət İşçisi" |
Həyatı və fəaliyyəti
[redaktə | mənbəni redaktə et]Gülarə Cabbarlı 1930-cu ildə Bakıda Cəfər Cabbarlının ailəsində dünyaya gəlib. 1948-ci ildə Bakı Dövlət Universitetinin filologiya fakültəsinə daxil olaraq 1953-cü ildə ali təhsilini başa vurub. 1968-ci ildə Cəfər Cabbarlı adına Azərbaycan Dövlət Teatr Muzeyində baş elmi işçi kimi işə başlayıb, 1979-cu ildə C. Cabbarlının ev-muzeyinə direktor vəzifəsinə təyin olunub[2]. Fəaliyyəti dövründə onun muzeydə gerçəkləşdirdiyi layihələr sırasında yazıçının 100 illik yubileyi münasibətilə təsis olunmuş "Cəfər Cabbarlı Mükafatı"nı, yazıçının əsərlərinin toplandığı "Mənim tanrım—gözəllik", "XX əsr Azərbaycan incəsənətinin inkişafında Cəfər Cabbarlının rolu" adlı kitablarını, həmçinin, ədibin öz sözlərinə bəstələdiyi mahnılardan və şeirlərdən ibarət "Azad bir quşdum" adlı musiqi albomunu göstərmək olar. 2001-ci ildən ömrünün sonunadək Gülarə xanım eyni zamanda "C. Cabbarlı adına mədəniyyət, elm və təhsilin inkişafına yardım İctimai Birliyi"nin rəhbəri, "Cəfər Cabbarlı Mükafatı" komissiyasının sədri olmuşdur.[3]
Gülarə Cabbarlı 2018-ci ildə 88 yaşında dünyasını dəyişmişdir.[4]
Mükafatları
[redaktə | mənbəni redaktə et]2014-cü ildə Azərbaycan Respublikası Mədəniyyət və Turizm Nazirliyinin "Fəxri Mədəniyyət İşçisi" döş nişanı ilə təltif edilmişdir.
İstinadlar
[redaktə | mənbəni redaktə et]- ↑ "Yazıçı Seyfəddin Dağlının vəfatından 41 il ötür - FOTO". Oxu.Az (az.). 2024-01-18. 2024-01-18 tarixində arxivləşdirilib. İstifadə tarixi: 2024-01-18.
- ↑ "Cəfər Cabbarlının ev muzeyində yubiley tədbiri keçirilib". 2018-02-13 tarixində arxivləşdirilib. İstifadə tarixi: 2018-02-13.
- ↑ Gülarə Cabbarlının 85 illik yubileyi
- ↑ "Cəfər Cabbarlının qızı dünyasını dəyişdi". 2019-08-04 tarixində arxivləşdirilib. İstifadə tarixi: 2018-02-13.