Hüseynqulu Ağaməmmədov
 | Bu məqaləni vikiləşdirmək lazımdır. |
Hüseynqulu Ağaməmmədov (1905, Qaradağlı, Şuşa qəzası – 19 mart 1988) — Qaradağlı kəndinin ilk ziyalısı.
| Hüseynqulu Ağaməmmədov | |
|---|---|
 foto | |
| Doğum tarixi | |
| Doğum yeri | Ağdam rayonu Qaradağlı kəndi |
| Vəfat tarixi | |
| Vəfat yeri | Ağdam rayonu Qaradağlı kəndi |
| Vətəndaşlığı | Azərbaycan |
| Milliyyəti | Azərbaycanlı |
| Fəaliyyəti | Pedaqoji, ictimai |
| Mükafatları | Lenin ordeni, I dərəcəli Vətən Müharibəsi Ordeni, 1941-1945-ci illər Böyük Vətən müharibəsində rəşadətli əməyə görə medalı |
Hüseynqulu Həsən oğlu Ağaməmmədov 1905-ci ildə Ağdamın Qaradağlı kəndində anadan olub. İlk təhsilini Ağdamda alan Hüseynqulu Ağaməmmədov 1930-cu ildən Qaradağlı kəndində müəllimlik edib.
Hüseynqulu Ağaməmmədov 1935-ci ildə Azərbaycan Kommunist Partiyası Mərkəzi Komitəsi yanında fəaliyyət göstərən Ali Partiya Məktəbinə qəbul olub. 1938-1941-ci illərdə Ağdam rayon partiya komitəsində işləyib.
Hüseynqulu Ağaməmmədov 1941-1943-cü illərdə Böyük Vətən Müharibəsində iştirak edib. 1943-cü ildə yaralanaraq, ordudan tərxis olunub.
Hüseynqulu Ağaməmmədov 1947-ci ildə Qaradağlı kəndində 350 nüsxə kitabdan ibarət ilk kitabxana açıb. İki il kitabxana müdiri işləyib.
Hüseynqulu Ağaməmmədov 1949-1971-ci illərdə Ağdam rayonu Qaradağlı kənd sovetində sədr işləyib.
Hüseynqulu Ağaməmmədov 1948-ci ildə SSRİ-nin ən yüksək mükafatı olan "Lenin" ordeni ilə, 1985-ci ildə "I dərəcəli Vətən Müharibəsi Ordeni" ordeni ilə, həmçinin "1941-1945-ci illər Böyük Vətən müharibəsində rəşadətli əməyə görə" medalı ilə təltif edilib.
Hüseynqulu Ağaməmmədov 19 mart 1988-ci ildə vəfat edib.