Həsən Məcidov
Həsənağa (Həsən) Əli oğlu Məcidov (12 dekabr 1914, Bakı – 11 yanvar 1978, Bakı) — Azərbaycan memarı, Azərbaycan SSR Dövlət Tikinti və Arxitektura İşləri Komitəsinin sədri (1959–1960), Azərbaycan SSR əməkdar inşaatçısı (1960).
| Həsən Məcidov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Bakı, Bakı quberniyası, Rusiya imperiyası |
| Vəfat tarixi | (63 yaşında) |
| Vəfat yeri | Bakı, Azərbaycan SSR, SSRİ |
| Vətəndaşlığı |
 Rusiya imperiyası→ AXC→ SSRİ |
| İşləri və nailiyyətləri | |
| İşlədiyi şəhərlər | Bakı, Naxçıvan |
| Mükafatları |
     |
Həyatı
[redaktə | mənbəni redaktə et]Həsən Məcidov 1914-cü ildə Bakıda sənətkar ailəsində anadan olmuşdur. O, orta məktəbi bitirərək Azərbaycan Sənaye İnstitutuna daxil olmuş, 1937-ci ildə buranın memarlıq-tikinti fakültəsini bitirmişdir. Tələbəlik illərində "Azərdövlətlayihə" Dövlət Layihə İnstitutunda texnik, ali məktəbi bitirdikdən sonra isə bu institutunda memar vəzifəsində işləmişdir.[1][2]
Böyük Vətən müharibəsi illərində Həsən Məcidov Sovet Ordusu sıralarına qatılmış və döyüşlərdə yaralanaraq 1946-cı ildə ehtiyata buraxılmışdır. Bundan sonra o, yenidən yaradıcılıq fəaliyyəti göstərmiş, bir sıra ictimai-mənzil binalarının layihələrini işləyib hazırlamışdır. Bir müddət layihə idarəsinin baş mühəndisi olan Həsən Məcidov 1948-ci ilin fevral ayından "Azərdövlətlayihə" İnstitutunun 2 №-li memarlıq emalatxanasının rəhbəri vəzifəsində işləmişdir. 1954-cü ildən Azərbaycan Politexnik İnstitutunda memarlıq konstruksiyaları dosenti olmuşdur.[1][2]
Həsən Məcidov Azərbaycan Memarlar İttifaqı Rəyasət Heyətinin üzvü olmuş, XXX və XXXI Bakı şəhər partiya konfranslarında Azərbaycan KP Bakı Komitəsi üzvlüyünə namizəd göstərilmişdir.[1][2]
Həsən Məcidovun layihəsi əsasında 1960-cı ildə V. İ. Leninin anadan olmasının 90 illiyi münasibətilə hazırkı Muzey Mərkəzi tikilib və 1961-ci ildə Moskvadakı V. İ. Lenin Muzeyinin filialı kimi istismara verilib. Həsən Məcidov Azərbaycanda digər layihələrin də müəllifi olmuşdur – Binədə Bakı təyyarə limanı, "Bakı" mehmanxanası, Naxçıvanda Dövlət Musiqili Dram Teatrının binası (1964)[3], Dzerjinski adına mədəniyyət sarayı (1948, hal-hazırda Dövlət Təhlükəsizlik Xidmətinin Mədəniyyət Evinin binası kimi fəaliyyət göstərir) , Məşədi Əzizbəyov metro stansiyasının binası (hal-hazırda bu bina Koroğlu metro stansiyasının binası kimi fəaliyyət göstərir). Bunlardan başqa, Həsən Məcidov çox sayıda yaşayış binasının, kinoteatrın, klubun və digər növlü binaların da memarıdır.[2][4]
Həsən Məcidov V Çağırış Azərbaycan Ali Sovetinin (1959–1962) üzvü olmuşdur.
Mükafatları
[redaktə | mənbəni redaktə et]- "İgidliyə görə" medalı (SSRİ)
- "Qafqazın müdafiəsinə görə" medalı
- "1941–1945-ci illər Böyük Vətən müharibəsində Almaniya üzərində qələbəyə görə" medalı
- "Şərəf nişanı" ordeni
- Azərbaycan SSR əməkdar inşaatçısı
Xatirəsi
[redaktə | mənbəni redaktə et]2014-cü il dekabrın 15-də Həsən Məcidovun 100 illik yubileyi ilə əlaqədar layihəsininnin müəllifi olduğu Bakı Muzey Mərkəzinin divarında memarın adı yazılmış xatirə lövhəsinin açılışı olmuşdur.[5]
2016-cı ilin may ayında Azərbaycan Memarlar İttifaqının 80 illik yubileyinə həsr olunmuş poçt markaları buraxılıb. Markalardan birində Həsən Məcidov və Bakı Muzey Mərkəzinin binası təsvir olunub.[6]
İstinadlar
[redaktə | mənbəni redaktə et]- ↑ 1 2 3 Һәсән Әлиевич Мәҹидов // Альбом плакатов-биографий депутатов Верховного Совета Азербайджанской ССР четвертого созыва. 6 марта 1955 года. Бакы. 1956. С. 135.
- ↑ 1 2 3 4 Azərbaycan Milli Ensiklopediyası, 1982. səh. 545
- ↑ "Gürcü dramaturgiyası Naxçıvan teatrında". 2021-01-19 tarixində arxivləşdirilib. İstifadə tarixi: 2020-06-06.
- ↑ Ministry of Culture (Azerbaijan). "Muzey Mərkəzi - Ümumi məlumat". www.museumcenter.az. 2024-01-13 tarixində arxivləşdirilib.
- ↑ "Görkəmli memar Həsən Məcidovun xatirəsi anıldı". www.uaa.az. 4 mart2016. 4 mart 2016 tarixində arxivləşdirilib. İstifadə tarixi: 13 yanvar 2024.
- ↑ "Выпущены почтовые марки, посвященные 80-летию Союза архитекторов Азербайджана". www.ictnews.az. may 2016. 23 dekabr 2016 tarixində arxivləşdirilib. İstifadə tarixi: 13 yanvar 2024.
Mənbə
[redaktə | mənbəni redaktə et]- Azərbaycan Milli Ensiklopediyası. Мәҹидов Һәсән Әли оғлу. Baku: Азербайджанская советская энциклопедия: Главная редакция Азербайджанской советской энциклопедии. 1982.