Habil Əliyev (əsgər, 1969)

Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər.

Habil Mikayıl oğlu Əliyev — "Azərbaycan bayrağı" ordenli şəhid.

Habil Əliyev
Habil Mikayıl oğlu Əliyev
Şəxsi məlumatlar
Doğum tarixi	1969
Doğum yeri	Zərkənd, Basarkeçər rayonu, Ermənistan SSR, SSRİ
Vəfat yeri	Drombon, Mardakert rayonu, DQMV, Azərbaycan SSR, SSRİ
Vəfat səbəbi	Şəhid olmuşdur.
Dəfn yeri	Naftalan, Şəhidlər Xiyabanı
Vətəndaşlığı	SSRİ→ Azərbaycan
Milliyyəti	Azərbaycanlı
Uşağı	Samir
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru qoşunları
Rütbəsi	Əsgər
Döyüşlər	Qarabağ müharibəsi
Təltifləri

1969-cu ildə Basarkeçər rayonunun Zərkənd kəndində dünyaya gəlib.

1988-ci ilin məlum hadisələri ilə bağlı Naftalanda məskunlaşmışdılar. Habil ordudan tərxis olunandan sonra evlənmişdi, Samir adlı bir oğlu dünyaya gəlmişdi.

O, könüllü ordu sıralarına yazıldı. Azərbaycanın Milli Qəhrəmanı Məhəmməd Həsənovun birinci batalyonunda hərbi xidmətə başladı.

Habil Ağdərə bölgəsi uğrunda gedən vuruşmalarda iştirak etdi. O Aşağı Ağcakənd, Xarxaput kəndləri uğrunda gedən döyüşlərdə iyirmi erməni quldurunu məhv edərək böyük qəhrəmanlıq göstərdi.

Habil Yuxarı Ağcakənd və Gülüstan kəndlərində düşmənin atəş nöqtələrini susdurdu. Bu igid döyüşçü, cəsur əsgər qeyri-adi cəsarətli adam kimi tanındı. O, Maqanz, Meteşen, Moxpataq, Talış kəndlərində baş verən vuruşmalarda da fərqləndi.

Habil Ağdərə bölgəsində, Dranbonda döyüşlərin birində qəhrəmanlıqla həlak oldu. İndi bu igid döyüşçünün qəbri Naftalan şəhərində, Şəhidlər Xiyabanındadır.

Qəhrəman döyüşçü ölümündən sonra "Azərbaycan bayrağı" ordeni ilə təltif edilmişdir.