Hafiz Əkbərov

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Hafiz Əkbərov — rejissor və rejissor assistenti.

Hafiz Əkbərov
Doğum tarixi	1 noyabr 1941 (82 yaş)
Doğum yeri	Xanlarkənd, Saatlı rayonu, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	rejissor
IMDb	ID5745758

Hafiz Əkbərov 1 noyabr 1941-ci ildə Azərbaycan Respublikasının Saatlı rayonunun Xanlarkənd kəndində anadan olmuşdur. 1958-ci ildə orta məktəbi bitirib. 1962-ci ildə İncəsənət İnstitutuna daxil olub, 1968-ci ildə həmin Ali məktəbi bitirib. İnstitutda oxuyarkən Badamdar qəsəbəsindəki Mədəniyyət Evində bədii rəhbər vəzifəsində işləyib.

1968-ci ildən 1993-cü ilə qədər C.Cabbarlı adına "AzərbaycanFilm" Kinostudiyasında əvvəlcə rejissor assistenti, sonra isə multiplikasiya filmləri rejissoru vəzifəsində çalışıb. 1972-ci ildə Moskva şəhərindəki "SoyuzMultfilm" kinostudiyasında təkmilləşmə keçib.

1979-1982 illərdə Multiplikasiya Birliyinin bədii rəhbəri vəzifəsində çalışıb.

1989-1991 illərdə AzərbaycanFilm kinostudiyasının nəzdində "Azərbaycan" kooperativi yaradıb və bu illər ərzində bir neçə reklam və sənədli filmlər çəkib.

1. Cırtdanın yeni sərgüzəşti (film, 1973)
2. Çaqqal oğlu çaqqal (film, 1972)
3. Cücələrim (film, 1975)
4. Daş (film, 1977)
5. Dınqıl, sazım, dınqıl (film, 1976)
6. Günlərin bir günündə... (film, 1975)
7. Kirpi balası və alma (film, 1977)
8. Meşəyə insan gəlir (film, 1980)
9. Pıspısa xanım və Siçan bəy (film, 1974)
10. Sehrli ağac (film, 1980)
11. Şah və xidmətçi (film, 1976)
12. Şahzadə-qara qızıl (film, 1974)
13. Talada ev (film, 1986)

• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 313-318.