Hans Redlix

Hans Redlix (alm. Hans Ferdinand Redlich‎; 11 fevral 1903, Vyana, Avstriya-Macarıstan İmperiyası, indiki Avstriya — 27 noyabr 1968, Mançester, Böyük Britaniya) — Avstriyalı bəstəkar, dirijor, musiqişünas və pedaqoq.

Hans Redlix
alm. Hans Redlich‎
Ümumi məlumatlar
Doğum adı	Hans Ferdinand Redlich
Doğum tarixi	11 fevral 1903
Doğum yeri	Vyana, Avstriya-Macarıstan
Vəfat tarixi	27 noyabr 1968 (65 yaşında)
Vəfat yeri	Mançester, Böyük Britaniya
Vətəndaşlığı	Avstriya
Musiqiçi məlumatları
Fəaliyyəti	bəstəkar musiqiçi dirijor
Təhsili	İohann Volfqanq Göte adına Frankfurt Universiteti

1931-ci ildə Frankfurt Universitetinin fəlsəfə fakültəsini bitirmişdir. 1924—1925-ci illərdə Berlin, 1925—1929-ci illərdə Mayns, daha sonra Manhaymda dirijor kimi çalışmışdır. Faşistlərin hakimiyyətə gəlməsindən sonra mühacirət etməyə məcbur olmuşdur. 1937-ci ildə Böyük Britaniyada daimi yaşamağa başlamışdır. BBC-də dirijor kimi işləmişdir, Kembric (1942—1949), Birminhem (1949—1955), Edinburq (1949—1955) və Mançester kimi Britaniya universitetlərində dərs demişdir. Bir sıra musiqi ensiklopediyaları və lüğətləri üçün məqalələr yazmışdır. Hendelin əsərlərinin Tam toplusunun nəşrin hazırlanmasında iştirak etmişdir. Qustav Maler, Klaudio Monteverdi, Rixard Vaqner, Anton Brukner və Alban Berq haqqında monoqrafiyalar yazmışdır.

• Gustav Mahler. — Nürnberg, 1919.
• Claudio Monteverdi, Bd 1. Das Madrigalwerk. — В., 1932.
• Richard Wagner: Tristan and Isolde. — L.-N. Y., 1948.
• Richard Wagner: Lohengrin. — L.-N. Y., 1949.
• Richard Wagner: Parsifal. — L.-N. Y., 1951.
• Claudio Monteverdi. Leben und Werk. — Olten. 1949.
• Bruckner und Mahler. — L.-N. Y., 1955.
• Alban Berg. — W., 1957.