Hibrid avtomobil
Hibrid (mələz) avtomobillərin məqsədi benzin sərfiyyatını azaltmaqdır. Buna nail olmaq üçün onlar tıxaclar zamanı və aşağı sürətlərdə hərəkət zamanı benzin mühərriki əvəzinə elektrik mühərrikindən istifadə edərək atmosferə buraxılan tullantıların qismən sıfır olmasını təmin edirlər. Elektrik mühərrikinin işləməsi üçün tələb olunan enerji benzin mühərriki işə salındıqda və ya əyləcdən istifadə edilmə zamanı akkumulyatorlara yüklənir. Ona görə də bu avtomobillərin elektrik enerjisinə qoşularaq enerji ilə doldurulmasına ehtiyac yoxdur.
Tələb olunan zaman benzin, tələb olunduğu zaman elektrik mühərriki ilə idarə oluna bilən ilk avtomobili Ferdinand Porsche 27 yaşında olarkən hazırlanmışdır. 1902-ci ildə “Mixte-Wagen” (“Qarışıq maşın”) adlandırdığı avtomobilini təqdim etmişdir. Vyanalı fayton istehsalçısı olan Ludwig Lohner ilə işləyən Porsche, 4 silindrli Daimler mühərrikinə akkumulyatorlar, generator və elektrik mühərrikləri əlavə etmişdir. Bu vəziyyəti ilə Mixte, benzin mühərriki dayandırıldığı zaman, batareyalarla işləyən elektrik mühərriki ilə irəliləməyə davam edə bilirdi.
Təxminən 10 ildən sonra hibrid avtomobillərin benzinlə işləyən avtomobilləri əvəz edəcəyi düşünülür. Toyotanın Toyota Prius modeli, Hondanın Honda Insight ilə başlayan və bu gün Honda Civic Hybrid ilə davam edən seriyası hibrid avtomobillərə misal ola bilər. Toyotanın lüks avtomobillər istehsal edən firması olan Lexus tərəfindən 2005-ci ildə bazara təqdim edilən Lexus RX 400h modeli də hibrid avtomobillər arasında öz yerini almışdır.
Bundan əlavə, Dodge firmasının Ram Pick-up modelini hibrid olaraq istehsal edəcəyini elan etməsi ilə bu üslubda bir ilkin yaşanacağı kimi görünür. Bunun ardınca General Motors; Chevrolet şirkətinin Silverado modelini və GMC şirkətinin Sierra modelini tarixində ilk dəfə olaraq “GM” brendindən istifadə edərək təqdim edəcəyi gözlənilir.
SUV sektorunda isə ilk olaraq Fordun Escape modeli meydana çıxmışdır.
2005-ci ilə qədər istehsalı gözlənilən avtomobil modelləri arasında GMC Yukon, Chevrolet Tahoe, Mercedes S Seriyası və Toyota Camry kimi sənayenin zirvəsinə doğru yüksələn avtomobillər də mövcuddur.