Hidetada Yamaqişi

Hidetada Yamaqişi və ya qısaca "Hide" (yap. 山岸 秀匡; d. 30 iyun 1973, Obihiro, Hokkaydo, Yaponiya) — İlk yaponiyalı Pro-bodibilder.

Hidetada Yamaqişi
yap. 山岸 秀匡
Doğum tarixi	30 iyun 1973 (51 yaş)
Doğum yeri	Obihiro, Hokkaydo, Yaponiya
Vətəndaşlığı	Yaponiya
Milliyyəti	yapon
Təhsili	Vaseda Universiteti
Fəaliyyəti	bodibilder
hideyamagishi.com

Hidetada Yamaqişi 30 iyun 1973-cü ildə Hokkaydo adasında yerləşən Obihiro şəhərində anadan olmuşdur.

Hələ Hokkaydo Sapporo Asahiqakkou məktəbində oxuduğu vaxtlar futbol, gimnastika, reqbi, cüdo və ağır atletika ilə məşğul olub. Vaseda Universitetində təhsil aldığı müddətdə isə, ağır atletika ilə daha ciddi məşğul olub. İdmanla ciddi məşğul olduğunun 2-ci ilində dövlət universitetləri arasında keçirilən yarışda I yeri tutub və bu adı növbəti ildə də özündə saxlayıb.

Universiteti bitirdikdən sonra da yarışlarda iştirak etməyə davam edib. Eyni zamanda, fərdi məşqçi olaraq işləyib. Nəzərə alsaq ki, o vaxtlar məşqçilər yox deyəcək dərəcədə az idi və o, ilklərdən sayılır.

2001-ci ildə Asiya Bodibildinq yarışlarında birincilik əldə etdikdən sonra Pro (peşəkar) kartı almağa qərar verir. Bu sahədə mütəxəssis olan insanlar ona bu addımı atmamağı məsləhət görürlər, çünki yaponlar, ümumiyyətlə asiyalıların üst dərəcəyə çıxa bilməyəcəyini düşünürdülər. Doğrudan da ilk illər çox çətin keçir. O, ən kiçik yarışlarda belə 15-liyə düşə bilmir. Nəhayət, 2006-cı ildə Holland GrandPrix şouda 4-cü yeri tutur.

O, 2007-ci ildə Mr.Olimpia bodibildinq yarışlarında iştirak edən, bununla yanaşı, Arnold Klassik yarışına dəvət alan ilk peşəkar yaponiyalı bodibilder olur.^[1]

"Weekly Playboy", "Tarzan" və "İronman Japan" kimi bir sıra idman jurnallarının üz qabığı olub. Fuci Televiziyasında tez-tez şərhçi olaraq işləyir. Bundan başqa, öz məşq sistemini izah etdiyi (daha sonra onlar "Döyüşçünün savaşı" (ingiliscədə "A Warrior’s Fight") adlanıb) DVD videolarını çıxarıb.

2008-ci ilin yanvar ayında Amerikanın Kaliforniya ştatında üzərində steroid olması (paylanması ehtimalı da mümkündür) ilə əlaqədar olaraq, həbs edilib lakin 15 fevral 2008-ci il tarixində bütün ittihamlardan azad edilib.

Evlidir^[2], həm Amerika Birləşmiş Ştatlarında, həm də Yaponiyada yaşayır. İdman Qidalanma Elmi üzrə doktorantura dərəcəsi və Akapunktura Müalicəsi etmək sertifikatına sahibdir.

İllər üzrə iştirak etdiyi yarışlar və tutduğu yerlərin siyahısı: 2005-ci il

• IFBB, iştirak edib.

2006-cı il

• IFBB Grand Prix Austria, 12-ci yer
• IFBB Grand Prix Holland, 4-cü yer
• IFBB Grand Prix Romania, 6-cı yer
• IFBB Ironman Pro Invitational, iştirak edib yer tutmayıb
• IFBB San Francisco Pro Invitational, 11-ci yer
• IFBB Santa Susanna Pro, 12-ci yer

2007-cı il

• IFBB Ironman Pro Invitational, 7-ci yer
• IFBB Arnold Classic, 13-cü yer
• IFBB Atlantic City Pro, 9-cu yer
• IFBB Olympia, 13-cü yer
• IFBB Grand Prix Australia, 5-ci yer
• IFBB Sacramento Pro Championships, 3-cü yer

2008-cı il

• IFBB Atlantic City Pro, 9-cu yer

2009-cı il

• IFBB Ironman Pro Invitational, 4-cü yer
• IFBB Europa Show of Champions, 2-ci yer
• IFBB Olympia, 9-cu yer

2010-cı il

• IFBB Olympia, 10-cu yer
• Arnold Classic - IFBB, 8-ci yer
• New York Pro Championships - IFBB, Açıq, 2-ci yer
• Europa show of Champions - IFBB, Açıq, 1-ci yer
• Orlando Show of Champions - IFBB, Açıq, 10-cu yer
• Phoenix Pro - IFBB, Açıq, 2-ci yer

2011-cı il

• IFBB Phoenix Pro, 2-ci yer
• IFBB Pro Bodybuilding Weekly Championships (a.k.a. Tampa Pro), 2-ci yer
• IFBB Mr.Olympia, 10-cu yer

2012-cı il

• NPC Lansing Grand Prix, yer tutmayıb
• IFBB PBW Tampa Pro, 3-cü yer
• IFBB Dallas Europa Supershow, 2-ci yer
• IFBB Olympia Weekend, 15-ci yer
• IFBB Arnold Classic Europe, 12-ci yer
• IFBB British Grand Prix, 8-ci yer

2013-cı il

• IFBB Arnold Classic, 5-ci yer

2014-cı il

• IFBB Arnold Classic 212 category, 4-cü yer

• Qabil Əli. İlk yaponiyalı Pro bodibilder. yapon.az, 28.10.2014  (az.)

• Hidetada Yamagishi interview with evolutionofbodybuilding.net