Hikmət Ziya

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Hikmət Ziya
Hikmət Ziya oğlu Əfəndiyev
Fayl:Hikmət Ziya.jpg
Doğum tarixi	13 may 1929(1929-05-13)
Doğum yeri	Şəki, 1995-ci il Azərbaycan , ZSFSR, SSRİ
Vəfat tarixi	2 avqust 1995(1995-08-02) (66 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Milliyyəti	azərbaycanlı
Fəaliyyəti	ssenarist, şair, uşaq ədəbiyyatı yazıçısı
Mükafatları

Əfəndiyev Hikmət Ziya oğlu (13 may 1929, Nuxa, Zaqatala-Nuxa dairəsi – 2 avqust 1995, Bakı) — Azərbaycan şairi, tərcüməçi, Azərbaycan Yazıçılar İttifaqının üzvü (1958), Azərbaycan Jurnalistlər İttifaqının üzvü (1959), Qabaqcıl maarif xadimi (1978), Azərbaycan SSR əməkdar incəsənət xadimi (1986).

Hikmət Ziya 1929-cu il mayın 13-də Azərbaycanın Şəki şəhərində anadan olmuşdur. Ağdam şəhərində 1 saylı orta məktəbi bitirdikdən sonra ADU-nun filologiya fakültəsinin jurnalistika şöbəsində təhsil almışdır (1947–1952). "Azərbaycan pioneri" qəzeti redaksiyasında ədəbi işçi, ədəbiyyat və incəsənət şöbəsinin müdiri (1952–1969), "Göyərçin" jurnalı redaksiyasında poeziya şöbəsinin müdiri (1969–1984), məsul katib vəzifələrində işləmişdir (1984).

Ədəbi yaradıcılığa 1952-ci ildə "Azərbaycan pioneri" qəzetində çap edilən "Qoqola" adlı ilk şeiri ilə başlamışdır. Sonra dövri mətbuatda vaxtaşırı çıxış edir. İlk satirik şeirləri, eyni zamanda "Atamın hədiyyəsi" (1957), "Bahar gözəldir, ya qış?" (1959), "Milçək ürəyi" (1960) kitabları Hikmət Əfəndiyev imzası ilə çap olunmuşdur. "Sınaq", "Ekiz qardaşlar" pyesləri tamaşaya qoyulmuşdur. Librettolarına ("Nənəmin nağılı", "İkilərin sərgüzəştləri", "Solğun çiçəklər") və şeirlərinə musiqi bəstələnmişdir. Əsərləri keçmiş SSRİ xalqlarının dillərinə tərcümə olunmuşdur. O özü də bədii tərcüməyə qayğı ilə yanaşmışdır. Ölkənin ayrı-ayrı şəhərlərində keçirilən uşaq və gənclər kitabı həftələrində, eləcə də təşviqat qatarı ilə səfərlərdə, yubiley təntənələrində iştirak etmişdir. "Mozalan" satirik kino-jurnalı bədii şurasının, Ümumittifaq uşaq və gənclər ədəbiyyatı şurasının, "Azərbaycan pioneri" və "Literaturnıy Azerbaydjan" jurnalı redaksiya heyətinin üzvüdür.

Əfəndiyev Hikmət Ziya oğlu 1995-ci il avqustun 2-də Azərbaycanın Bakı şəhərində dünyasını dəyişmişdir. Hikmətli sözləri-"Qısa yazmaq, fikri yığcam ifadə etmək böyük ustalıq tələb edir. Buna nail olmaq üçün daim çalışmaq lazımdır".

Azərbaycan Respublikası Ali Soveti Rəyasət Heyətinin Fəxri fərmanı ilə təltif edilmişdir (1988).

Onun adına "Hikmət Ziya" ədəbiyyat mükafatı təsis edilmişdir.

1. Atamın hədiyyəsi. Bakı: Uşaqgəncnəşr, 1956, 20 səh.
2. Bahar gözəldir, ya qış? Bakı: Uşaqgəncnəşr, 1959, 27 səh.
3. Milçək ürəyi. Bakı: Azərnəşr, 1960, 46 səh.
4. Şeirlər və təmsillər. Bakı: Azərnəşr, 1963,64 səh.
5. Ulduzların söhbəti. Bakı: Azərnəşr, 1964, 51 səh.
6. Qısa təmsillər. Bakı: Azərnəşr, 1965, 55 səh.
7. Xatirə. Bakı: Azərnəşr, 1966, 101 səh.
8. Tülkü arayışında. Bakı: Gənclik, 1967, 67 səh.
9. Buludlar. Bakı: Gənclik, 1968, 57 səh.
10. Mənim dovşanım. Bakı: İşıq, 1970, 26 səh.
11. Qısqanc qarışqa. Bakı: Gənclik, 1971, 87 səh.
12. Günəş və ləkələr. Bakı: Azərnəşr, 1972, 67 səh.
13. Leylək yuvası. Bakı: Gənclik, 1973, 121 səh.
14. Mənim misralarım. Bakı: Gənclik, 1975, 139 səh.
15. Qardaşlar ovda. Bakı: Gənclik, 1978, 143 səh.
16. Qərib cinlər diyarında. Bakı: Gənclik, 1980, 134 səh.
17. Təmsillər. Bakı: Yazıçı, 1982, 237 səh.
18. İlin balaları. Bakı: Gənclik, 1983, 126 səh.
19. Qardaşlığın qüdrəti (Bəstəkar M. Mirzəyevlə şərikli). Bakı: İşıq, 1983, 65 səh.
20. Təmsillər. Bakı: Gənclik, 1985, 120 səh.
21. Ömrümün payı. Bakı: Yazıçı, 1986, 235 səh.
22. Vətənim mənim. Bakı: Gənclik, 1988, 120 səh.
23. Seçilmiş əsərləri. Bakı: Azərnəşr, 1992, 295 səh.
24. Kərgədan və Qarışqa.

1. İ. A. Krılov. Təmsillər. Bakı: Gənclik, 1982, 80 səh.

1. Əli Bayramlı (film, 1971)(I)
2. Azərbaycan qadını (film, 1974)
3. Qərib cinlər diyarında (film, 1977)
4. Dəcəl dovşan (film, 1981)