Hindistan lagerströmiyası
Hindistan lagerströmiyası (lat. Lagerstroemia indica) — bitkilər aləminin mərsinçiçəklilər dəstəsinin ağlarotukimilər fəsiləsinin lagerströmiya cinsinə aid bitki növü.
| Hindistan lagerströmiyası | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Yarımfəsilə: Cins: Növ: Hindistan lagerströmiyası |
||||||||||
| Beynəlxalq elmi adı | ||||||||||
| ||||||||||
Təbii yayılması[redaktə | mənbəni redaktə et]
Bitkinin vətəni Çindir. Yaponiyada və Koreyada da yayılmışdır.
Botaniki təsviri[redaktə | mənbəni redaktə et]
Hündürlüyü 7 m-ə çatan, dağınıq yumurtavari çətirə, çəhrayı rəngli, hamar qabıqlı gövdəyə və budaqlara malik ağac və ya koldur. Yarpaqları ellipsvari, hamar, dərivari, parlaq və əlvan-yaşıl, uzunluğu 4-8 sm, payızda sarımtıl-qırmızı rəng alır. Çiçəkləri iridir, əlvan-çəhrayı, tünd mavi, bəzən ağ rəngdə olub, iri süpürgə çiçək qrupunda toplanmışdır. İyunun sonundan oktyabrın əvvəllərinə qədər kütləvi çiçəkləyir. Bu zaman olduqca dekorativ görünür. Meyvəsi 6 toxumlu yumru qutucuqdur. Hindistan lagerströmiyasını çox vaxt "Hindistan yasəməni" adlandırırlar, ancaq əsl yasəmən və lagerströmiya müxtəlif fəsilələrə və sıralara aiddir.
Ekologiyası[redaktə | mənbəni redaktə et]
Şaxtaya davamlıdır, yayın yüksək hərarətində və quraqlıq dövrlərdə çiçəkləmə azalır.
Azərbaycanda yayılması[redaktə | mənbəni redaktə et]
Bakı və Abşeronun yaşıllaqlarında geniş istifadə olunur.
İstifadəsi[redaktə | mənbəni redaktə et]
Dekorativ bitkidir, park tərtibatında istifadə edilir. Cövhəri kosmetik məqsədlərlə tətbiq edilir.