II Presian

II Presian — Birinci Bulqar dövlətinin XXVII imperatoru və son hökmdarı.

II Presian
bolq. Пресиян II
Birinci Bulqar dövlətinin XXVII imperatoru
Vəzifədədir
1018-ci ildən
Əvvəlki	İvan Vladislav
Sonrakı	II Pyotr
Şəxsi məlumatlar
Doğum tarixi	təqr. 996
Doğum yeri	Bolqarıstan
Vəfat tarixi	təqr. 1060
Vəfat yeri	Macarıstan
Dəfn yeri	Slovakiya
Fəaliyyəti	hərbi qulluqçu
Atası	İvan Vladislav
Anası	Mariya
Dini	Xristian
Vikianbarda əlaqəli mediafayllar

İvan Vladislavın ən böyük oğlu olub Bulqarların azadlıq mücadiləsinə rəhbərlik etmişdir. 1018-ci ildə Tomorr dağında bir neçə ay qardaşları Aaron və Alusianla birlikdə mübarizə aparan çar sonda təslim olmağa məcbur oldu və Bizans hakimiyyətində yaşamağa başladı.

Presian magistros rütbəsi verilərək saray əyanına çevrilmişdi. 1020-ci illərdə VIII Konstantinə qarşı saray çevrilişi etməyə cəhd etmiş və sürgün olunmuşdu. 1029-cu ildə III Romanın hakimiyyəti zamanı yenidən saraya qayıdan Presian imperatorun qızı ilə evlənib taxtı ələ keçirməyə cəhd etdi. Lakin planın üstü açıldı və Presian 1030-cu ildə kor edilərək yenidən sürgünə göndərildi. 1060-cı ilə aid qəbri Slovakiyada tapılmışdır. Onun məğlubiyyəti ilə Birinci Bulqar dövlətinə rəsmən son qoyulmuş oldu.^[1]