Invincible (albom)

Invicible – Maykl Cekson onuncu və sonuncu solo studiya albomu. Albom Epic Records tərəfindən 30 oktyabr, 2001-ci il tarixində yayımlanıb. "Invicible" Jacksonun 1997-ci ildə çıxardığı Blood on the Dance Floor albomunun üstündən keçən beş il ərzində yeni mahnılar səsləndirdiyi ilk solo albomudur. Digər albomlarında olduğu kimi bu alboma daxil olan on altı mahnının da mövzusu da əsasən Ceksonun şəxsi həyat təcrübələri və müşahidələridir. Albmun üz qabığında Maykl Ceksonun sifəti beş fərqli rəngdə təsvir edilib. Mütəxəssislərin sözlərinə görə albom dinləyicilər tərəfindən maraqla qarşılanıb və böyük gəlir gətirən albomlardan birinə çevrilib.

Invincible
Maykl Cekson tərəfindən ifa olunmuş studiya albomu
Yayımlanma tarixi	30 oktyabr 2001
Yazılma tarixi	oktyabr 1997 – avqust 2001
Janr	R&B, Hip-Hop, electronic, adult contemporary, urban, soul, funk
Müddət	77:08
Dil	ingilis dili
Leybl	Epic Records
Prodüser	Maykl Cekson, Rodney Jerkins, Teddy Riley, Andraeo "Fanatic" Heard, Kenneth "Babyface" Edmonds, R. Kelly, Dr. Freeze
Maykl Cekson albomlarının xronologiyası
"Blood on the Dance Floor" (1997) "Invincible" (2001) "Number Ones" (2003)

Albomdan üç sinql çıxarılıb:"You Rock My World", "Cry" and "Butterflies". Butterflies mahnısı ABŞ – dan kənarda satışa çıxarılıb. Albomun ilk və son mahnıları daha çox sevilmiş və Billboard Hot 100 Chartda ilk onluğa daxil olmuşdur. Həmçinin eyni mahnılar dünyada da çox sevilmiş, bir çox ölkələrdə ilk onluğa daxil olmuş və hətta birinciliyə qədər yüksəlmişdir. Alboma daxil olan "Cry" mahnısı ticari baxımdan daha az gəlirli olmuşdur. İstehsalçı şirkətlə Maykl Cekson arasında münaqişənin yaranmasından sonra Sony Music albomunun tanıtımını yarımçıq dayandırmağa məcbur olmuşdur. Albom həmçinin Ən Yaxşı Kişi Pop – Vokal İfaçısı kateqoriyasında Qremmi mükafatı almış, "Billboard magazine" oxucularının səsverməsi nəticəsində isə onilliyin ən yaxşı albomu seçilmişdir.

Albom həmçinin böyük ticari uğur da qazanmış dünyanın on bir ölkəsində, o cümlədən, ABŞ, Birləşmiş Krallıq, Avstraliya, Fransa və İsveçrədə biriciliyə yüksəlmişdir. Albom həmçinin daha altı ölkədə ilk onluğa daxil olmuş, ən pis göstəricini isə Meksikada göstərərək yalnız iyirmi doqquzuncu yerə qədər irəliləmişdir. "Invicible" albomu 2004 – cü ildə və 2009–cu ildə Maykl Ceksonun vəfatından sonra yenidən hit paradlara qayıtmışdır. Albom bütün dünyada 10.000.000 nüsxəylə satılmışdır.