Kapitalın orta çəkili dəyəri

Kapitalın orta çəkili dəyəri və ya maliyyəti (ing. weighted average cost of capital-WACC) — müəssisənin əldə etdiyi kapitalın qarşılığında səhmdarlara və kreditorlara ödənməsi gözlənilən orta xərclərdir.[1] Başqa sözlə müəssisənin maliyyələşmə mənbələrinə çəkiləcək orta xərcləri göstərir.

Şirkətlər bir çox qaynaqlardan maliyyələşə bilirlər: adi və imtiyazlı səhmlər, birbaşa borclar, dövlət yardımları(məsələn subsidiya) vb. Kapitalın orta çəkili dəyəri də bu maliyyəşmə mənbələrinin kapitalın tərkibindəki nisbi çəkisini nəzərə alınaraq hesablanır. Düsturu isə aşağıdakı şəkildədir:

${\displaystyle k_{a}=k_{e}*W_{e}+(1-V)*k_{d}*W_{d}}$

k_e — adi səhmin gəlirliliyi

W_e — adi səhmin kapitalın tərkibindəki çəkisi

V — vergi dərəcəsi

k_d — borcun dəyəri (xərci)

W_d — borcun kapitalın tərkibindəki çəkisi

Burada ${\displaystyle k_{e}*W_{e}}$nizamnamı kapitalının orta xərcini göstərir.

KOÇD sayəsində müəssisə gəlirlərinin hansı hissəsinin səhmdarlara və kreditorlara ödənəcəyini müəyyən edəbilir. Bu əmsalın köməkliyi ilə müəssisə planlaşdırılan investisiya layihəsinin məqsədəuyğun olub-olmadığını müəyyənləşdirir. Yəni investisiyanın gəlirliliyi KOÇD əmsalından böyük olmalıdır ki, müəssisə investisiya layihəsini reallaşdırsın.

• Xalis cari dəyər
• Geri ödəmə müddəti metodu

• PROJE ANALİZİ VE DEĞERLENDİRME. Anadolu universiteti. 2015