Kazım İnanç

Kazım İnanc (türk. Kâzım İnanç; 1880, Diyarbəkir – 21 sentyabr 1938, Ankara) — Türkiyə əsgəri və siyasətçisi.

Kazım İnanc
Şəxsi məlumatlar
Doğum tarixi	1880
Doğum yeri	Diyarbəkir, Diyarbəkir ili, Türkiyə
Vəfat tarixi	21 sentyabr 1938(1938-09-21)
Vəfat yeri	Ankara, Ankara ili, Türkiyə
Dəfn yeri	Türkiyə Dövlət məzarlığı
Vətəndaşlığı	Osmanlı imperiyası  Türkiyə
Təhsili	Osmanlı Hərbi Məktəbi[d]
Hərbi fəaliyyəti
Xidmət illəri	1900-cü ildən
Rütbəsi	general
Döyüşlər	Birinci Dünya müharibəsi, İtaliya-Türkiyə müharibəsi
Vikianbarda əlaqəli mediafayllar

Hakkı bəyin oğlu idi. 17 yanvar 1900-cu ildə Hərbi Məktəbi bitirdi. 6 dekabr 1902-ci ildə Hərbi Akademiyadan məzun oldu. Kürdəsillidir.^[1]

20 mart 1911-ci ildə hərbi təlim keçmək üçün Almaniyaya göndərildi. İtaliya-Osmanlı müharibəsində, Balkan müharibələrində və Birinci Dünya müharibəsində iştirak etdi.

27 iyun 1920-ci ildə Türkiyə İstiqlaliyyət müharibəsində iştirak etmək üçün Ankaraya gəldi. Türkiyə Böyük Millət Məclisinin nəznində Qərb Cəbhəsi Komandirliyində təhlükəsizlik, ictimai asayiş və işə götürmə fəaliyyətlərini həyata keçirmək üçün təyin edildi. Müharibədən sonra "İstiqlaliyyət medalı" ilə təltif edildi.

4 oktyabr 1924-cü ildə general-leytenant rütbəsinə yüksəldi. 7 oktyabr 1924-cü ildə 9-cu korpusun komandiri təyin edildi. 31 oktyabr 1924-cü ildə 3-cü Ordu komandiri vəzifəsinə təyin edildi. 20 iyun 1925-ci ildə vəzifəsindən istefa etdi. 22 Avqust 1926-cı ildə Samsun qubernatoru təyin edildi. 21 oktyabr 1928-ci ildə təqaüdə çıxdı.

Türkiyə Böyük Millət Məclisinin IV və V dövrlərində İzmirin millət vəkili oldu. 21 sentyabr 1938-ci ildə Ankarada vəfat etdi.

İştirak etdiyi döyüşlərdə Osmanlı, Almaniya, Rumıniya və Avstriya-Macarıstanın bir sıra mükafatları ilə təltif edilmişdi.

• "Osmaniyyə ordeni"
• Məcidiyyə ordeni
• "Müharibə" medalı (Osmanlı imperiyası)
• "Ləyaqət" medalı (Osmanlı imperiyası)
• "İmtiyaz" medalı (Osmanlı imperiyası)
• "İstiqlaliyyət" medalı (Türkiyə Respublikası)

• T.C. Genelkurmay Harp Tarihi Başkanlığı Yayınları, Türk İstiklâl Harbine Katılan Tümen ve Daha Üst Kademelerdeki Komutanların Biyografileri, Genelkurmay Başkanlığı Basımevi, Ankara, 1972, s. 111.