Kolvari acıyonca

Hippocrepis emerus (lat. Hippocrepis emerus) — paxlakimilər fəsiləsinin hippocrepis cinsinə aid bitki növü.

Kolvari acıyonca
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrosids Klad: Rosids Klad: Fabids Dəstə: Paxlaçiçəklilər Fəsilə: Paxlakimilər Yarımfəsilə: Faboideae Triba: Loteae Cins: Hippocrepis ???: Kolvari acıyonca
Beynəlxalq elmi adı
Hippocrepis emerus Lassen
Şəkil axtarışı ITIS   820080 NCBI   72429 EOL   689336

Aralıq dənizyanı ölkələrində, İspaniyadan Kiçik Asiyaya qədər olan ərazilərdə və Şərqi Avropada yayılmışdır.

0,5-1,5 m hündürlüyündə, yarpağını tökən koldur. Budaqları yaşıl rəngli, tillidir. Yarpaqları təklələkvari, 5-9 ədəd tərs yumurtavari formalı yarpaqcıqdan ibarətdir. Onların uzunluğu 0,6-2,3 sm, eni 0,3-1 sm olub, qısa saplaqlı və ya oturaqdır. Yarpaq altlığı üçkünc, çiçəkləri qızılı-sarı rəngdə, 3-8 ədədi birlikdə qoltuqlarda çətirvari çiçək qrupu təşkil edir. Onlar yarpaqdan 2-3 dəfə iridir. Kasacığı zəngvari, 3-5 mm uzunluqda, ensiz, tərs-yumurtavari, qayıqcıq formalı, oraqvaridir. Bütün ləçəkləri dırnaqcıqlı, kasacıqdan 2 dəfə uzundur. Paxlaları 2,5-6 sm uzunluqda, 1,5-2 mm enində olub, ucdan nazik, əyridir. Toxumları uzunsov-tilli, 4 mm uzunluğunda və 1 mm enində, qəhvəyi rəngli, hamardır. Aprel-may aylarında çiçəkləyir.

Kölgəsevən və suya çox tələbkardır. Günəşli, quru yerlərdə sıx kolluqlar əmələ gətirir.

Mədəni şəraitdə becərilir.

Tək və qrup əkinlərində istifadəsi məqsədyönlüdür.

Azərbaycan Dendroflorası III cild-Bakı:"Elm",2016,400 səh. Arxivləşdirilib 2019-11-17 at the Wayback Machine T.S.Məmmədov