Lazer kivi bayrağı

Lazer kivi bayrağı (ing. Laser Kiwi flag) və ya ilkin olaraq Lazeri atın (Fire the Laser) — 2015-ci ildə Lüsi Qrey tərəfindən 2015–2016-cı illər Yeni Zelandiyada bayraq referendumları üçün təklif edilən Yeni Zelandiya bayrağı. O vaxtdan bəri dizayna davamlı maraq yaradan sosial media fenomeninə çevrilmişdir.

Lazer kivi bayrağı
Təfərrüatlar
Vikianbarın loqosu Vikianbarda əlaqəli mediafayllar

Bayraq[redaktə | mənbəni redaktə et]

Lazer kivi bayrağı 2015-ci ildə təklif olunan Yeni Zelandiyanın bayrağı kimi Lüsi Qrey tərəfindən yaradılmışdır. O, bir axşam "Microsoft Paint"də bayraq dizaynını hazırlamışdı. Avstraliyada bir çox "ölümcül heyvanlardan" ilhamlanmış Qrey kivi ikonasını götürərək onu ölümcül heyvana çevirmişdir. Yeni Zelandiya bayraq referendumlarının birinci mərhələsində ilkin dörd seçilmiş variantın buraxılmasından sonra Qrey bu dizaynlardan "ilham almadığını" bildirmişdi, çünki bu dizaynlar onun üçün "çox məna kəsb etmirdi".[1]

Yeni Zelandiya bayraq referendumları zamanı Lazer kivi bayrağı böyük sosial media fenomeninə çevrilmiş, Con Oliver kimi komediyaçılar tərəfindən bayraq referendumunu və ümumilikdə Yeni Zelandiyanı müzakirə edən komediya proqramlarında istifadə edilmişdir.[2] Bayraqda "Dicksonia squarrosa" və gözlərindən yaşıl lazer şüası atan kivi təsvir edilmişdir. Bayrağın təsviri belə idi ki, "lazer şüası Yeni Zelandiyanın güclü imicini əks etdirir".[3] Komediyaçılar tez-tez zarafat edirdilər ki, əgər bayraq Yeni Zelandiyanın rəsmi bayrağı olacaqsa, bu, Yeni Zelandiyanın düşmənlərində "qorxuya" səbəb olacaq.[4]

Referendumdan sonra bayrağın populyarlığı "geri qayıdış" etmişdi, çünki o, istehlakçı məhsulu kimi geniş şəkildə əlçatan olmuş, Yeni Zelandiya daxilində və xaricində idman və ya konsertlər kimi tədbirlərdə müşahidə edilmişdir.[5] Rusiyanın Ukraynaya hücumu zamanı Lazer kivi bayrağı Yeni Zelandiyadan olan könüllü əsgərlər tərəfindən simvol kimi istifadə edilmişdir.[6][7]

İstinadlar[redaktə | mənbəni redaktə et]

  1. ↑ Price, Rosanna. "Laser-kiwi artist uninspired by flag designs". Stuff. 1 September 2015. 13 May 2022 tarixində arxivləşdirilib. İstifadə tarixi: 7 March 2022.
  2. ↑ "Laser Kiwi flag". Ministry for Culture and Heritage. 1 February 2021. 13 May 2022 tarixində arxivləşdirilib. İstifadə tarixi: 14 May 2020.
  3. ↑ Humorous reference to a 2010 comment by ACT on Campus president Rick Giles. See Young Act § Opposition of Earth Hour and "I think my argument is so powerful". Know Your Meme. 16 April 2022 tarixində arxivləşdirilib. İstifadə tarixi: 13 April 2022.
  4. ↑ Hunt, Elle. "New Zealand's new flag: 15 quirky contenders". The Guardian. 15 May 2015. ISSN 0261-3077. 21 June 2022 tarixində arxivləşdirilib. İstifadə tarixi: 14 May 2020.
  5. ↑ Wall, Jamie. "Behind the scenes: the Laser Kiwi banner that lifted the All Whites". The Spinoff. 13 November 2017. 13 April 2022 tarixində arxivləşdirilib. İstifadə tarixi: 14 May 2020.
  6. ↑ "Laser Kiwi flag spotted on Ukraine battlefield". NZ Herald (ingilis). 2023-08-22. 2023-08-21 tarixində arxivləşdirilib. İstifadə tarixi: 2023-08-21.
  7. ↑ Halpin, James. "NZ soldier fighting in Ukraine was inspired by fallen friend, carries Laser Kiwi flag". Stuff (ingilis). 2023-05-26. 2023-08-21 tarixində arxivləşdirilib. İstifadə tarixi: 2023-08-21.