Li Brister

Li Qrear Brister (ing. Lee Greer Brewster; 27 aprel 1943, Honaker[d], Virciniya – 19 may 2000, Nyu-York, Nyu-York ştatı) — Amerikalı dreq-kvin, transseksual aktivist və pərakəndə satıcı idi. O, Stounvall-dan əvvəlki fəallar qrupunun, Queens Azadlıq Cəbhəsinin qurucu üzvü idi. 1970–1980-ci illərdə Drag jurnalını nəşr etdirdi. Brister 1970-ci ildə ABŞ-də ilk Qürur bayramı — Kristofer Küçə Qurtuluş Günü üçün vəsait toplamağa kömək etdi.[1] O, bir neçə il ərzində vəsait toplamaqda və ing. Christopher Street Liberation Day təşkilini kömək etməyə davam etdi. Li Brister homofil və gey azadlıq hərəkatlarında fəal idi, Nyu-Yorkun Mattaçin Cəmiyyəti, eləcə də Küçə Transvestitləri Fəal İnqilabçıları ilə işləyirdi.

Li Brister
Doğum tarixi 27 aprel 1943(1943-04-27)
Doğum yeri
Vəfat tarixi 19 may 2000(2000-05-19) (57 yaşında)
Vəfat yeri
Vəfat səbəbi xərçəng xəstəliyi
Vətəndaşlığı
Fəaliyyəti iş adamı, LGBT haqları fəalı[d]

Şəxsi həyatı[redaktə | mənbəni redaktə et]

Li Brister 1943-cü il aprelin 27-də Virciniya ştatının Honaker şəhərində anadan olub. O, atasının kömür mədənçisi kimi çalışdığı Qərbi Virciniyada böyüyüb.

O, homoseksual olduğu üçün Federal Təhqiqatlar Bürosundan qovulduqdan sonra 1960-cı illərdə Nyu Yorka köçüb.

19 may 2000-ci ildə Nyu-Yorkda xərçəng xəstəliyindən vəfat edib. Ailədə ondan başqa bir bacısı və üç qardaşı var idi.[2]

Qərbi Virciniya Universiteti ona və onun işinə həsr olunmuş onlayn sərgi yaradıb.[3]

Peşəkar fəaliyyəti[redaktə | mənbəni redaktə et]

Brister 1960-cı illərin əvvəllərində homoseksual olduğu üçün işdən çıxarılana qədər Federal Təhqiqat Bürosunda katib kimi çalışırdı.

1970–1980-ci illərdə Drag jurnalını nəşr etdirdi.[4]

Linin Mardi Qras butiki[redaktə | mənbəni redaktə et]

Brister ing. Lee's Mardi Gras Boutique-in (indiki Michael Salem Boutique) sahibi idi. Nyu Yorkun 14-cü küçəsində butik kimi açılışını 31 oktyabr 1969-cu ildə elan etdi. Buraya travestilərlə bağlı mövzularda geniş kitab kolleksiyası olan bir kitab mağazası da daxil idi.[5] Bir neçə ildən sonra mağaza daha böyük bir yerə köçürüldü.

Onun butiki küçə tərəfdən girişin olmaması ilə müştərilərinin məxfiliyini təmin etmək üçün çalışırdı. Bununla belə, bəzi müştərilər mağazadan istifadə etdiklərini ictimaiyyətdən gizlətmirdilər.

Dreq tamaşaları[redaktə | mənbəni redaktə et]

Brister çoxsaylı səhnə nömrələri hazırlayaraq tez-tez dreq kvin kimi çıxışlar edirdi. Köhnə dreq ifaçılarının ənənəsinə sadiq qalaraq, müasir dövrdə daha populyarlaşan Brister qadın adı ilə deyil, kişi adı ilə çağırılmağa üstünlük verirdi.

İctimai fəallığı[redaktə | mənbəni redaktə et]

Brister, xüsusən də ABŞ-də LGBT hərəkatı qeyri-populyar mövqedə olduğu vaxtlarda transgender insanları müdafiə edirdi. O, 1960-cı illərdə Nyu-Yorka köçdükdən sonra ing. Mattachine Society- də fəallaşıb və hətta təşkilatın katibi vəzifəsinə namizəd göstərilmişdi.[6]

1970-ci illərdə Brister insanların homoseksual olduqları üçün ictimai yerlərdən uzaqlaşdırılmasına icazə verən Nyu-York şəhəri fərmanına qarşı hüquqi problemi maliyyələşdirdi. Nadir hallarda tətbiq olunsa da, o, həmin fərmanın hüquq-mühafizə orqanlarına LGBT insanları təqib etmək imkanı verdiyini hiss edirdi.

Queens Azadlıq Cəbhəsi[redaktə | mənbəni redaktə et]

1969-cu ilin fevralında keçirdiyi ilk toplantıda 31 oktyabr 1969-cu ildə rəsmi qurulma tarixi olaraq Queens Azadlıq Cəbhəsi kimi tanınacaq bir təşkilat yaratmağı planlaşdırdığını elan etdi. 1971-ci ildə Nyu-Yorkda cinsi oriyentasiyaya əsaslanan ayrı-seçkiliyə son qoymaq üçün Queens Azadlıq Cəbhəsi ing. "Street Tranvestite Action Revolutionaries" və "Gay Activists Alliance" ilə Intro 475 — ə dəstək olaraq birləşdilər. Nəhayət, bu səylər uğurlu oldu və nəticədə gey, transgender hüquqları ilə bağlı qanunvericilikdə dəyişiklikləri təmin etməyə nail ola bildilər.[7]

İstinadlar[redaktə | mənbəni redaktə et]

  1. ↑ Martin, Douglas. "Lee Brewster, 57, Style Guru For World's Cross-Dressers". The New York Times (ingilis). 2000-05-24. 2019-05-04 tarixində arxivləşdirilib. İstifadə tarixi: 2023-08-25.
  2. ↑ Martin, Douglas. "Lee Brewster, 57, Style Guru For World's Cross-Dressers". The New York Times. 24 May 2000. 2019-05-04 tarixində arxivləşdirilib. İstifadə tarixi: 2015-06-30.
  3. ↑ "Collection: Lee Brewster Publications Collection | West Virginia University Archivesspace". archives.lib.wvu.edu. 2022-11-16 tarixində arxivləşdirilib. İstifadə tarixi: 2022-11-16.
  4. ↑ Miss Vera. "Transgender Transfusion: Before 'OITNB,' There Was the 'Casa'". Observer. June 12, 2014. 2015-08-07 tarixində arxivləşdirilib. İstifadə tarixi: 2015-06-30.
  5. ↑ "Lee Brewster Dies at 57 - Pioneering Transvestite Activist". Gay Today. 2009-10-06 tarixində arxivləşdirilib. İstifadə tarixi: 2015-06-30.
  6. ↑ "The Mattachine Society of New York Records, 1951-1976". New York Public Library. February 26, 2021 tarixində arxivləşdirilib. İstifadə tarixi: March 11, 2021.
  7. ↑ Stephan, Cohen. The gay liberation youth movement in New York : "an army of lovers cannot fail". routledge. 2008. ISBN 978-0-203-94057-0. OCLC 183396900.