Müsəllim Həsənov

Müsəllim Qaman oğlu Həsənov (22 dekabr 1958, Şiştəpə, Şamxor rayonu) — jurnalist, ssenarist, kino redaktoru, Azərbaycanın əməkdar mədəniyyət işçisi (2018).

Müsəllim Həsənov
Müsəllim Qaman oğlu Həsənov
Doğum tarixi 22 dekabr 1958(1958-12-22) (65 yaş)
Doğum yeri
Həyat yoldaşı
Təhsili
Fəaliyyəti ssenarist, jurnalist, redaktor
Mükafatları "Azərbaycan Respublikasının əməkdar mədəniyyət işçisi" fəxri adı — 2018

Həyatı

[redaktə | mənbəni redaktə et]

Müsəllim Həsənov 1958-ci il dekabrın 22-də Şəmkir rayonunun Şiştəpə kəndində anadan olub. 1980-ci ildə Azərbaycan Dövlət Universitetinin jurnalistika fakültəsinə daxil olub, 1985-ci ildə həmin fakültəni fərqlənmə diplomu ilə bitirib. 1985–1989-cu illərdə Azərnəşrdə çalışıb, 1989–1992-ci illərdə "Yeni Fikir" qəzeti redaksiyasında şöbə müdiri, redaktor müavini işləyib. 1992-ci ildən 1996-cı ilin sonuna qədər "Müstəqil qəzet"də çalışıb. 1997-ci ilin yanvarından noyabr ayına qədər "Panorama" qəzetində şöbə müdiri, 1997-ci ilin noyabrından 2000-ci ilin aprelinə qədər Azərbaycan Respublikası Prokurorluğunda mətbuat xidmətinin rəhbəri olub.

2002–2008-ci illərdə "Media-Holdinq" şirkətində çalışlb, "Bizim Əsr" qəzetində şöbə müdiri, "Lider" televiziyasında redaktor vəzifələrində işləyib.

"Lider" televiziyasında nümayiş olunan bir sıra sənədli filmlərin ssenari müəllifi və redaktoru olub.

2010-cu ilin yanvarından İctimai Televiziyanın "Carçı-Film" Yaradıcılıq Birliyində redaktor və böyük redaktor vəzifələrində çalışıb.

İctimai TV-də nümayiş olunmuş "Daşdan tikilmiş şəhər", "Amerika və amerikalılar", "Mübariz" (Milli Qəhrəman Mübariz İbrahimov haqqında) filmlərinin ssenari müəllifidir.

İctimai televiziyada nümayiş olunan "Bakı vaxtı" sənədli filmlər silsiləsinin müəllifi və aparıcısı olub.

2014-cü ilin yanvarından Bakı Media Mərkəzinin redaktorudur.

2016-cı ildə Ali Media mükafatı alıb.[1]

1 avqust 2018-ci ildə Azərbaycanın əməkdar mədəniyyət işçisi fəxri adına layiq görülüb.[2]

İctimai televiziyada nümayiş olunan "XX yüzillik. Faktlar, hadisələr və insanlar" proqramının müəllifi və aparıcısıdır.

Tərcüməçi, dosent Şəhla Nağıyeva ilə evlidir, 3 övladı var.

Filmoqrafiya

[redaktə | mənbəni redaktə et]
  1. "İldırım"lı yolun yolçuları (film, 2003)
  2. 63-ün tutqun payızı (film, 2003)
  3. Unudulmuş qəhrəman (film, 2005)
  4. 106 nömrəli avtobusda partlayış (film, 2004)
  5. Daşdan tikilmiş şəhər (film, 2008)
  6. Uzun ömrün hekayəti. Əli Vəliyev
  7. "Gələcək gün" sorağında. Mirzə İbrahimov (film, 2011)
  8. Sönməyən işıq. M. F. Axundov (film, 2012)
  9. "Bənzərəm bir qocaman dağa ki…". M. Ə. Sabir (film, 2012)
  10. Dalan (film, 2012)
  11. Əbədi ezamiyyət (film, Bakı Media Mərkəzi, 2016)[3]
  12. Bir günəş altında (film, Bakı Media Mərkəzi, 2017)
  13. Son iclas (film, 2018)[4]
  14. 270-ci səhifə[5]
  15. Səbirli adam. Mirzə Ələkbər Sabir[6]

İtən şəhərlər:

  1. Babil (film, 2013)

"Amerika etüdləri" silsiləsi:

  1. Amerika etüdləri. Vaşinqtondan görünən Azərbaycan (film, 2012)
  2. Alnımızın Qarabağı. Amerikadan oxunanlar (film, 2012)
  3. Tarixdən səhifələr
  4. Nyu-York mozaikası
  5. Amerika etüdləri. Arlinqton məzarlığı (film)
  6. Tələbə dünyası

"Bakı vaxtı" silsiləsi:

  1. Şamaxı zəlzələsi
  2. İstiqlaliyyət küçəsi
  3. İsmailiyyə binası
  4. Opera və Balet teatrı
  5. Filarmoniya binası
  6. Azərbaycan prospekti
  7. Dəmiryol vağzalı
  8. 28 may küçəsi
  9. Xaqani bağı
  10. Fəvvarələr bağı
  11. Milli İncəsənət Muzeyi
  12. Hökumət evi
  13. Respublika stadionu

"XX yüzillik. Faktlar, hadisələr və insanlar" silsiləsi (İctimai TV)

Kitabları

[redaktə | mənbəni redaktə et]
  1. Adi və qeyri-adi Amerika. Bakı, 2006
  2. Qərib məzarlar. Fransa. Bakı, 2016. Heydər Əliyev Fondunun nəşri.
  3. Azərbaycanda gəmiçilik: sənədli tarix. Bakı, 2018.
  4. NOBELLƏR neft, milyonçular və qoçular şəhərində. Bakı, TEAS Press Nəşriyyat evi, 2018
  5. Hacı Zeynalabdin Tağıyev. Bakı, 2022

İstinadlar

[redaktə | mənbəni redaktə et]
  1. ↑ "Mətbuat Şurasının Ali Media Mükafatının laureatlarının adları məlum oldu – SİYAHI". Oxu.az (az.). Oxu.az. 22 iyul 2016. İstifadə tarixi: 23 avqust 2024.
  2. ↑ President.Az. "Azərbaycanın kino xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 01.08.2018. 2021-10-26 tarixində arxivləşdirilib. İstifadə tarixi: 2018-08-01.
  3. ↑ "ADU-da "Əbədi ezamiyyət" sənədli filminin təqdimatı olub". Azərtac. 9 fevral 2016. İstifadə tarixi: 23 avqust 2024.
  4. ↑ "Bakı Media Mərkəzi AXC-nin 100 illiyinə həsr edilmiş film təqdim edəcək - FOTO". Oxu.az (az.). Oxu.az. 25 may 2018. İstifadə tarixi: 23 avqust 2024.
  5. ↑ ""Şuşa ili"nə həsr olunan "270-ci səhifə" adlı sənədli film çəkilib". Oxu.az (az.). Oxu.az. İstifadə tarixi: 23 avqust 2024.
  6. ↑ "Mirzə Ələkbər Sabir haqqında yeni bədii-sənədli film çəkilib". Azərtac. 30 may 2022. İstifadə tarixi: 23 avqust 2024.