Məşədi Bayramqulu ağa Yağləvəndli-Cavanşir

Məşədi Bayramqulu ağa Yağləvəndli-Cavanşir — xanlıq dönəmində divanxana fərraşı, məaf.

Məşədi Bayramqulu ağa Yağləvəndli-Cavanşir
Məşədi Bayramqulu ağa Mustafa ağa oğlu Yağləvəndli-Cavanşir
Doğum tarixi	1782
Doğum yeri	Şuşa

Həyatı[redaktə | mənbəni redaktə et]

Məşədi Bayramqulu ağa Mustafa ağa oğlu 1782-ci ildə Şuşa şəhərində dünyaya pənah gətirmişdi. Əslən Cavanşir-Dizaq mahalının Yağləvənd obasındandı. İbtidai təhsilini molla yanında almışdı. Sonra mədrəsədə təhsilini davam etdirmişdi. Öncə İbrahimxəlil xanın, sonra Mehdiqulu xanın hakimiyyəti dönəmində Divanxanada fərraş kimi xidmət etmişdi.

Mehdiqulu xan özəl təliqə ilə Məşədi Bayramqulu ağanı vergilərdən azad etmişdi. Kameral siyahılarda məaf kimi qeyd olunub. Məşədi Bayramqulu ağa Mehdiqulu xana bir dabbaqxana satmışdı. O, Xorasan və Məşhəd şəhərlərini ziyarət etmişdi.

Ailəsi[redaktə | mənbəni redaktə et]

Məşədi Bayramqulu ağa Anaxanım xanımla ailə qurmuşdu. Kəlbəli, Süleyman, Həsənəli adlı oğulları, Sənəm, Qönçə və Əziz adlı qızları vardı.

Mənbə[redaktə | mənbəni redaktə et]

• MDTA, fond 10, siyahı 1, iş 43, vərəq 544a

Həmçinin bax[redaktə | mənbəni redaktə et]

• Yağləvənd oymağı
• Yağlıvənd
• Cavanşir-Dizaq mahalı