Məlumat Hesablama Mərkəzi

Azərbaycan Respublikasının Nəqliyyat, Rabitə və Yüksək Texnologiyaları Nazirliyinin Məlumat Hesablama Mərkəzi (MHM) Nazirlər Sovetinin 07.12.1973-cü il 401 (b.6) saylı qərarı və Rabitə Nazirliyinin 05.07.1974-cü il tarixli 140 saylı əmrinə əsasən təsis edilib. 19.04.1999-cu ilə kimi "Respublika İnformasiya Hesablama Mərkəzi" adı altında fəaliyyət göstərib. 20.04.1999-cu ildə Azərbaycan Respublikasının Ədliyyə Nazirliyinin Hüquqi şəxslərin Dövlət qeydiyyatı üzrə Bakı bölgə şöbəsində "Məlumat Hesablama Mərkəzi" adı ilə qeydiyyatdan keçib.

Məlumat Hesablama Mərkəzi
Ümumi məlumatlar
Təsis tarixi 5 İyul 1974
Baş qərargahın yeri Bakı, Azərbaycan
rabita.az

Ümumi məlumat

[redaktə | mənbəni redaktə et]

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi (MHM) Azərbaycanda komputer texnologiyası ilə hesablamalar və analizlər aparan ilk qurum olub.

45 ildən çoxdur ki, fəaliyyət göstərən müəssisənin xidmətlərinə "özəl şəbəkələrin qurulması", "proqram təminatı", "məlumatın saxlanma və emalı sistemi", "sistem inteqrasiya həlləri", "veb saytların yaradılması" və s. kimi mühüm xidmətlər daxildir. MHM ölkədə elektron imza üçün Milli Sertifikat Xidmətləri Mərkəzinin (kök mərkəzi) fəaliyyətini qanunverciliyə əsasən təmin edən müəsissədir. Hazırda Mərkəzin fəaliyyət sahəsi genişlənərək informasiya texnologiyalarının bütün istiqamətlərini əhatə edir. "Microsoft" şirkətinin Gümüş tərəfdaşı olan Məlumat Hesablama Mərkəzi İSO 9001:2015 Keyfiyyət İdarəetmə Sistemi və İSO 27001:2013 İnformasiya Təhlükəsizliyi İdarəetmə Sistemi beynəlxalq keyfiyyət sertifikatlarına malikdir.

Son illər İKT-nin ölkəmizdə inkişafı ilə bağlı Məlumat Hesablama Mərkəzinin də fəaliyyət sahələri genişlənib. Hazırda Mərkəzin fəaliyyət sahəsi informasiya texnologiyalarının bütün istiqamətlərini əhatə edir.

  • Müasir billinq sistemlərinin layihələndirilməsi və istismarı;
  • Açıq Məlumatlar Portalı;
  • Elektron imza texnologiyaları və xidmətlərinin inkişaf etdirilməsi;
  • Yeni nəsil şəxsiyyət vəsiqələrində elektron imzanın tətbiqi;
  • "Smart Pay" ödəmə sistemi;
  • "AzDataCom" – məlumatların ötürülməsi şəbəkəsinin idarə olunması;
  • Sellülar (mobil) nömrə satışı üzrə vahid informasiya sistemi;
  • Mobil Cihazların Qeydiyyat Sistemi;
  • Nömrə Daşınma Xidməti;
  • İnnovativ həllər və proqram təminatlarının hazırlanması və tətbiqi;
  • Şəbəkə infrastrukturunun idarə edilməsi.

Xidmətlər

[redaktə | mənbəni redaktə et]

Müəssisənin xidmətlərinə aşağıdakılar daxildir:

  • Məlumat saxlama və emalı sistemi
  • Çağrı mərkəzi
  • "AzDataCom" internet provayderi
  •  SmartPay
  •  Veb saytların yaradılması
  • İnnovativ həllər və proqram təminatı
  • Özəl şəbəkələrin qurulması
  • Sistem İnteqrasiya həlli
  • Texniki dəstək

Məhsullar

[redaktə | mənbəni redaktə et]

Müəssisənin məhsullarına aşağıdakılar daxildir:

  • Elektron imza
  • "AzDoc" elektron sənəd dövriyyəsi
  • AzStock
  • E-kadr
  • Çağrı mərkəzi

Layihələr

[redaktə | mənbəni redaktə et]

Müəssisə bir neçə iri layihələri həyata keçirir. Bunlar aşağıdakılardır:

  • Elektron imza
  • Billing sistemi
  • Nömrə daşınması xidməti
  • Danışan kitabxana
  • Abacus
  • Açıq məlumatlar
  • Apellyasiya şuralarına şikayət sistemi
  • "AzDataCom" internet provayderi
  • "Sahibkarlara Dəstək Sistemi"
  • Mobil cihazların qeydiyyat sistemi (İMEİ)
  • "POÇTAP" sistemi
  • Vahid Nömrə Satışı
  • Avtomatlaşdırılmış Rabitə İdarəetmə Sistemi (ARİS)

Mənbə

[redaktə | mənbəni redaktə et]

Xarici keçidlər

[redaktə | mənbəni redaktə et]