Marat Allahverdiyev

Marat Allahverdi oğlu Allahverdiyev (18 may 1941, Bakı – 24 oktyabr 2015) — azərbaycanlı dövlət və siyasi xadim, 1990–1995-ci illərdə Azərbaycan SSR Ali Sovetinin deputatı

Marat Allahverdiyev
Azərbaycan SSR Dövlət Nəşriyyat, Poliqrafiya və Kitab Ticarəti İşləri Komitəsinin sədri
7 dekabr 1976 – 9 sentyabr 1980
Əvvəlki	Cahangir İldırımzadə
Sonrakı	Nazim İbrahimov
Azərbaycan Ali Sovetinin deputatı
1990 – 1995
Şəxsi məlumatlar
Doğum tarixi	18 may 1941(1941-05-18)
Doğum yeri	Bakı, Azərbaycan SSR, SSRİ
Vəfat tarixi	24 oktyabr 2015(2015-10-24) (74 yaşında)
Təhsili	Azərbaycan Texniki Universiteti
Uşağı	Elnur Allahverdiyev
Təltifləri

Həyatı[redaktə | mənbəni redaktə et]

Marat Allahverdiyev 1941-ci il mayın 18-də Bakı şəhərində anadan olub. Azərbaycan Politexnik Universitetini bitirib.^[1]

Ailəsi[redaktə | mənbəni redaktə et]

3 övladı, 6 nəvəsi var. Azərbaycan Milli Məclisinin VI çağırış üzvü Elnur Allahverdiyevin atasıdır.

Fəaliyyəti[redaktə | mənbəni redaktə et]

Əmək fəaliyyəti[redaktə | mənbəni redaktə et]

Tikinti sahə rəisliyindən başlayaraq Bakı şəhər komitəsində tikinti instruktoru, dəmir-beton zavodunun direktoru, Azərbaycan Rabitə Nazirliyi rabitə montaj-tikinti trestinin rəhbəri, sonralar Mətbuat və İnformasiya Nazirliyinə çevrilən Azərbaycan Respublikası Dövlət Poliqrafiya və Kitab Ticarəti İşləri Komitəsinin sədr müavini, sədri,^[2] məşhur "Bərpaçı" mərkəzinin rəisi, Azərbaycan Mədəniyyət nazirinin müavini, Respublika Xalq Nəzarət Komitəsi sədrinin birinci müavini, Azərbaycan Respublikası Prezidenti yanında Ali Nəzarət İnspeksiyasının sədri vəzifələrində çalışıb.

Siyasi fəaliyyəti[redaktə | mənbəni redaktə et]

1990–1995-ci illərdə Azərbaycan SSR Ali Sovetinin deputatı seçilmişdir.

Elmi fəaliyyəti[redaktə | mənbəni redaktə et]

Beynəlxalq İctimai Telekommunikasiya Akademiyasının üzvü, akademik, texniki elmlər doktoru olub.

İstinadlar[redaktə | mənbəni redaktə et]