Mehmet Əli Ağca
Mehmet Ali Ağca (9 yanvar 1958[1][2]) — türk cinayətkar.
| Mehmet Əli Ağca | |
|---|---|
| türk. Mehmet Ali Ağca | |
 | |
| Doğum tarixi | 9 yanvar 1958[1][2] (66 yaş) |
| Üzvlüyü | |
Həyatı
[redaktə | mənbəni redaktə et]9 yanvar 1958-ci ildə Türkiyənin Malatya vilayətində anadan olub.
Cinayətləri
[redaktə | mənbəni redaktə et]1 fevral 1979-cu ildə "Milliyyət" qəzetinin baş redaktoru Abdi İpəkçini öldürüb. 25 iyun 1979-cu ildə yaxalanaraq 16 gün fasiləsiz sorğu-suala çəkilib. 11 iyul 1979-da həbs edilərək İstanbuldakı Maltəpə hərbi həbsxanasına göndərilib. 5 noyabr 1979-cu ildə xəstəxanadan qaçırılmaq istənilib, ancaq buna müvəffəq olunmayıb. 24 noyabr 1979-da Maltəpə hərbi həbsxanasından hərbi libasda qaçırılıb. 30 aprel 1980 – həbsxanadan qaçırılandan sonra İrana gedən Ağca, daha sonra Türkiyəyə qayıdaraq, Ankara Məbusevlərində (millət vəkili evləri) gizlənib. 30 avqust 1980-ci ildə Faruk Özgünün adına çıxarılmış pasportla Bolqarıstana gedib. 13 may 1981-ci ildə Vatikanda Papa II İoann Paveli tapança ilə vurub. Papa bu sui-qəsddən yaralı xilas olub. İtaliyada ömür boyu həbsə məhkum edilən Ağca, Papanın əfvindən sonra 15 iyun 2000-ci ildə Türkiyəyə gətirilərək, İstanbulun Kartal səmtindəki həbsxanaya yerləşdirilib. 12 yanvar 2006-cı ildə şərtlə həbsxanadan buraxılsa da, İpəkçi ailəsinin etirazından sonra 20 yanvarda yenidən həbsxanaya salınıb. 18 yanvar 2010-cu ildə təxminən 30 il həbsxanada yatandan sonra 52 yaşında həbsxanadan çıxıb.
Onun həbsxanada xristianlığı qəbul etdiyi barədə xəbərlər yayılıb.
İstinadlar
[redaktə | mənbəni redaktə et]- ↑ 1 2 Deutsche Nationalbibliothek Record #119097591 // Ümumi tənzimləmə nəzarəti (GND) (alm.). 2012—2016.
- ↑ 1 2 Mehmet Ali Ağca // SNAC (ing.). 2010.
Xarici keçidlər
[redaktə | mənbəni redaktə et]- Ağca azadlıqda: qatil, yoxsa Məsih? Arxivləşdirilib 2010-01-23 at the Wayback Machine