Mehmet Nazim Bəy

Mehmet Nazim Bəy (türk. Mehmet Nâzım Bey) (1886, Kayseri, Osmanlı İmperiyası - 1921, Afyonqarahisar, Türkiyə) — Türk əsgəri.

Mehmet Nazim Bəy
türk. Mehmet Nâzım Bey
Mehmet Nazim Bəy
Şəxsi məlumatlar
Doğum tarixi	1886
Doğum yeri	Kayseri, Osmanlı İmperiyası
Vəfat tarixi	1921
Vəfat yeri	Afyonqarahisar, Türkiyə
Dəfn yeri	Türkiyə Dövlət məzarlığı
Vətəndaşlığı	Osmanlı imperiyası
Təhsili	Osmanlı Hərbi Məktəbi[d]
Hərbi fəaliyyəti
Xidmət illəri	1899-1921
Rütbəsi	Polkovnik
Döyüşlər	Balkan müharibələri Birinci Dünya müharibəsi Türkiyə İstiqlaliyyət müharibəsi
Vikianbarda əlaqəli mediafayllar

1886-cı ildə Türkiyənin Kayseri şəhərində anadan olmuşdur. Atasının adı Cəmal Bəy idi. Beşiktaş Hərbi Məktəbini Və Çəngəlköy Hərbi Liseyini bitirdi. 1907-ci ildə Hərbi Məktəbdən leytenant rütbəsi ilə məzun oldu. 1910-cu ildə Osmanlı Hərbi Kollecini kapitab rütbəsi ilə bitirdi. 1915-ci ildə 6-cı Korpusun heyətində iştirak etmişdir. Eyni ildə 16-cı firqə heyətinin, daha sonra isə 19-cu firqə heyətinin rəhbəri vəzifəsinə təyin edildi. 1917-ci ildə Rumıniyada alman marşal Avqust von Makenzenin qərargahında xidmət etmişdir.

1917-1918-ci illərdə Osmanlı Rumeli Silahlı Qüvvələrinin komandanlığına təyin edildi. 1919-cu ildə ingilislərin onu həbs etmək niyyətlərində olduğunu öyrənəndə Kuva-yi Milliyeyə qoşulmaq üçün İstanbulu tərk edərək Anadoluya getdi.

1919-1920-ci illərdə 7-ci süvari alayına komandirlik etdi. Birinci İnönü döyüşündə komandirlik etdiyi 4-cü Piyada firqəsi yunanlar ilə vuruşdu və döyüşlərdə göstərdiyi qəhrəmanlıqlara görə polkovnik rütbəsinə yüksəldi. İkinci İnönü döyüşünə qoşuldu.

Kütahya-Əskişəhər döyüşlərində Yumruçal yamacında yanğın xəttinə doğru irəliləyərkən yunan topçu dəstəsinin açdığı atəş nəticəsində yaralandı. 15 iyul 1921-ci ildə vəfat etdi.

Nəşi Ankaraya gətirildi və Ankara Şəhidlər Xiyabanında dəfn edildi. Ölümündən bir gün sonra Türkiyə Böyük Millət Məclisi tərəfindən polkovnik rütbəsi ilə təltif edilərək “Şəhid Polkovik Nazim Bəy” (türk. Şehit Miralay Nazım Bey) adıyla anıldı.^[1]

• Balkan müharibələri
• Birinci Dünya müharibəsi
• Türkiyə İstiqlaliyyət müharibəsi

• T.C. Genelkurmay Harp Tarihi Başkanlığı Yayınları, Türk İstiklâl Harbine Katılan Tümen ve Daha Üst Kademelerdeki Komutanların Biyografileri, Genelkurmay Başkanlığı Basımevi, Ankara, 1972, s. 234.