Mişel Uelbek

Mişel Uelbek (fr. Michel Houellebecq) – Fransa yazıçısı və şairi. Dünyada ən çox oxunan fransız yazıçılarından biridir.

MİŞEL UELBEK
fr. Michel Houellebecq
Doğum adı	Michel Thomas
Təxəllüsü	Michel Houellebecq
Doğum tarixi	26 fevral 1958 (66 yaş)
Doğum yeri	Reyunyon, Fransa
Təhsili	Şaptal Liseyi[d]
Fəaliyyəti	şair, kinorejissor, mahnı yazarı[d], esseist, romançı, aktyor, fotoqraf, film ssenaristi[d], yazıçı, ssenarist
Fəaliyyət illəri	1991-ci ildən
Əsərlərinin dili	fransız dili
Janrlar	poeziya, esse
Mükafatları
michelhouellebecq.com
Vikianbarda əlaqəli mediafayllar

İlk romanı ("Mübarizə sahəsinin genişlənməsi") 1994-cü ildə nəşr olunur. 1998-ci ildə çıxan ikinci romanı ("Elementar hissəciklər") Fransada böyük qalmaqal yaradır. Bu roman Fransanın tanınmış Prix Novembre mükafatına layiq görülür.

Mişel Uelbek 1958-ci il fevralın 26-da^[1] (özünün ifadəsinə görə, anası Mişeli vunderkind hesab edərək onun doğum haqqında şəhadətnaməsini saxtalaşdıraraq doğum tarixini 1956-cı il göstərib) Hind okeanında Fransanın Reünyon adasında anadan olub. Dağ bələdçisi olan atası və anestezioloq olan anası bacısı dünyaya gələndən sonra ona az diqqət ayırırlar. O, əvvəlcə Əlcəzairdə yaşayan ana-nənəsi və babası tərəfindən böyüdülür və altı yaşında isə Kommunist Partiyasının fəal tərəfdarı olan ata tərəfdən nənəsi Henrietta öz yanına alır. Uelbek onunla çox gözəl münasibət qurur və daha sonra ədəbi təxəllüsü kimi məhz onun soyadını seçir.

16 yaşında Uelbek Hovard Fillips Lavkraftın əsərlərini kəşf etdi. Demək olar ki, 20 il sonra onun yaradıcılığına ayrıca kitab həsr etdi. Gələcək yazıçı 1975-ci ildə Paris-Qrinon Milli Aqronomik İnstitutuna (Institut national agronomique Paris-Grignon) daxil olmaq üçün Parisdəki Şaptal Liseyində hazırlıq kurslarında iştirak edir. Orada o, qısamüddət buraxılan “Karamazov” ədəbi jurnalının nəşrinə başladı, onun üçün bir neçə poema yazdı və “Cristal de souffrance” adlı həvəskar filmin çəkilişinə başladı. 1978-ci ildə Uelbek Ekologiya və Ətraf Mühitin Mühafizəsi üzrə diplom aldı. Daha sonra Lui Lümyer adına Milli Kinematoqrafiya İnstitutuna daxil oldu və 1981-ci ildə oranı bitirdi.

Elə həmin il onun oğlu Etyen dünyaya gəldi. Daha sonra Uelbekin həyatında işsizlik dövrü başlayır və həyat yoldaşı ilə boşanır. Bütün bunlar onu dərin depressiyaya salır. 1983-cü ildən Uelbek Parisdə sistem administratoru, sonra bir müddət Kənd Təsərrüfatı Nazirliyində (yazıçının həyatının bu dövrü onun “Mübarizə məkanının genişləndirilməsi” debüt romanında öz əksini tapacaq) və nəhayət Milli Assambleyada çalışır.

Mişel Uelbek ədəbi fəaliyyətinə şeir və esse yazmaqla başlayır. 1991-ci ildə yazıçı ilk kitablarını - müasir dünyada şairin simasına həsr olunmuş "Sağ qalmaq" esselər toplusunu və Amerika yazıçısı, qorxu janrı ədəbiyyatının klassiki Hovard Fillips Lavkraftın yaradıcılığı haqqında araşdırmanı – “H.F. Lavkraft: İnsanlığa qarşı, tərəqqiyə qarşı” nəşr etdirdi. Bir il sonra "Xoşbəxtliyin arxasınca" şeirlər toplusu çıxır. Onun ilk əsərləri diqqətdən kənarda qalır.

• Mişel UELBEK. Sağ qalma: esselər, şeirlər. Bakı,"Mütərcim" (2010)

Vikisitatda Mişel Uelbek ilə əlaqədar sitatlar var.

Vikianbarda Mişel Uelbek ilə əlaqəli mediafayllar var.

• Mişel Uelbekın bloqu frans.
• "Mişel Uelbeklə üç müsahibə" ^{[ölü keçid]}
• Fransanın RFI radiosuna müsahibəsi ^{[ölü keçid]}
• Çaşqınlıq içində (esse) ^{[ölü keçid]}
• Lansarot (romandan parça) Arxivləşdirilib 2010-02-26 at the Wayback Machine

1. ↑ "Статья на Лента.ру: Мать Мишеля Уэльбека оказалась его безжалостным критиком". lenta.ru (rus). 2013-12-24 tarixində arxivləşdirilib. İstifadə tarixi: 2019-01-13.