Miloş Milutinoviç

Miloş Milutinoviç (serb. Милош Милутиновић; 5 fevral 1933^[1], Bayina-Başta^[d] – 28 yanvar 2003, Belqrad) — hücumçu mövqeyində çıxış etmiş Serbiya peşəkar futbolçusu və Yuqoslaviya məşqçisi.

Miloş Milutinoviç
serb. Милош Милутиновић
Ümumi məlumatlar
Doğum tarixi	5 fevral 1933(1933-02-05)[1]
Doğum yeri	Bayina-Başta[d], Bayina-Başta bələdiyyəsi[d], Serbiya
Vəfat tarixi	28 yanvar 2003(2003-01-28) (69 yaşında)
Vəfat yeri	Belqrad, Belqrad dairəsi, Serbiya Respublikası, Yuqoslaviya İttifaq Respublikası
Vətəndaşlığı	Yuqoslaviya
Mövqeyi	cinah yarımmüdafiəçisi[d]
Karyerası
Gənclik karyerası 1948–1951 Bor Klub karyerası[* 1] 1952–1958 Partizan 87 (53) 1958–1960 OFK Belqrad 8 (9) 1960–1961 Bayern Münhen 20 (5) 1961–1963 Paris 66 (28) 1963–1965 Stad Franse 44 (7) 1968–1969 OFK Belqrad 20 (5) Milli yığma[* 2] 1953–1958 Yuqoslaviya 33 (16) Məşqçisi olduğu klublar 1966–1967 OFK Belqrad Duboçitsa Proleter Zrenyanin 1975–1976 Atlas Quadalaxara 1977–1978 Beşiktaş 1980–1982 Velej 1982–1984 Partizan 1984–1985 Yuqoslaviya 1986–1987 Beşiktaş 1987–1988 Altay İK 1990–1991 Partizan
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Milutinoviç ölkəsinin futbol tarixinin ən istedadlı oyunçulardan biri və bütün zamanların ən istedadlı cinah hücumçularından/hücumçularından hesab olunur. O, nümayiş etdiyu bacarıqlarına görə "Plava Çiqra" ləqəbini qazanmışdır.

Milutinoviç karyerası boyunca Bor, Partizan, OFK Belqrad, Bayern Münhen, Paris və Stad Franse klublarında çıxış etmişdir. Çempionlar Kubokunun 1955/1956 ilk mövsümünün ilk oyununda Sportinq Lissabonun qapısına 2 qol vuraraq Partizana 3–3 hesablı heç-heçə qazandırmışdır, Belqrada keçirilən cavab oyunda isə 4 qol vuraraq Partizanın 5–2 hesablı qələbəsində böyük pay sahibi olmuşdur. Dörddəbir final qarşılaşmasının cavab oyununda turnirin qalibi Real Madridə 2 qol vursa da yekunda hesab 3–0 ilə bitmişdir, Real Madrid ilk oyunda 4–0 hesabı ilə qələbə qazandığından futoblçunun klubu turniri tərk etdi.

O, Partizanın heyətində 213 oyunda 231 qol vurmuşdur^[2] və onunla iki dəfə (1954 and 1957) Yuqoslaviya kubokunun qalibi olmuşdur. Sonradan o, öncə OFK Belqrad və daha sonra Bayern Münhen klubuna transfer olundu. 1959-cu ildə davam edən ağciyər problemləri səbəbindən əməliyyat olundu. Fransada oynamağa başlamazdan əvvəl o, bir il Almaniyada qaldı.

Yuqoslaviya milli futbol komandasının heyətində 1951-ci ildə U-19 yarışının qalibi olmaqla yanaşı turnirin "Ən yaxşı oyunçu"su adına layiq görüldü və 4 qolu sayəsində turnirin bombardiri oldu. Əsas millinin heyətində o, 21 may 1953-cü ildə 5–2 hesablı qələbə ilə bitən Uelsə qarşı oyunda çıxış etdi.

Ümumlikdə 33 dəfə millinin formasını geyinən Miloş Milutinoviç ölkəsini 1954 və 1958 Dünya Kuboku yarışlarında təmsil etmişdir.

#	Tarix	Yer	Rəqib	Hesab	Nəticə	Yarış
1.	8 noyabr 1953	Şəhər stadionu, Skopye	İsrail	1–0	1–0	1954 FİFA Dünya Kuboku seçmə mərhələsi
2.	16 iyun 1954	Olimpik de la Pontez, Lozanna	Fransa	1–0	1–0	1954 FİFA Dünya Kuboku
3.	25 sentyabr 1955	YXO stadionu, Belqrad	Qərbi Almaniya	1–0	3–1	Yoldaşlıq oyunu
4.	19 oktyabr 1955	Dalimaunt Park, Dublin	İrlandiya	0–1	1–4	Yoldaşlıq oyunu
5.				0–2
6.				1–3
7.	30 oktyabr 1955	Ernst-Happel StadionuPrater stadionu, Vienna	Avstriya	1–1	2–1	Yoldaşlıq oyunu
8.	9 sentyabr 1956	YXO stadionu, Belqrad	İndoneziya	1–0	4–2	Yoldaşlıq oyunu
9.				2–0
10.				3–0
11.	12 may 1957	Maksimir stadionu, Zaqreb	İtaliya	2–0	6–1	Yoldaşlıq oyunu
12.				4–0
13.	15 sentyabr 1957	YXO stadionu, Belqrad	Avstriya	3–3	3–3	Yoldaşlıq oyunu
14.	17 noyabr 1957	YXO stadionu, Belqrad	Rumıniya	1–0	2–0	1958 FİFA Dünya Kuboku seçmə mərhələsi
15.				2–0
16.	11 may 1958	YXO stadionu, Belqrad	İngiltərə	1–0	5–0	Yoldaşlıq oyunu

Futbolçu karyerasını bitirdikdən sonra Milutinoviç məşqçilik etməyə başladı və məqşçi olduğu klublar arasında OFK Belqrad,^[3][4] Duboçitsa (Leksovats), Proleter (Zrenyanin), Atlas,^[5] Beşiktaş, Altay İK,^[6][7] Velej (1981-ci ildə ölkə kuboku və Balkan Kubokunun qalibi oldu), Partizan Belqrad (1983-cü ildə ölkə çempionatını qazandı) yer alır, bundan əlavə o, Yuqoslaviya milli futbol komandasının da baş məşqçisi olmuşdur.^[8]

Məşhur futbol məşqçisi Bora Milutinoviç onun qardaşı idi, digər qardaşı Milorad Milutinoviç isə 1958 FİFA Dünya Kubokunda onun komanda yoldaşı olmuşdur. 2006-cı ildə başa tutan müsahibəsində keçmiş komanda yoldaşı Draqoslav Şekularats: "Miloş Milutinoviç bir oyunçu olaraq 9/10, insan olaraq isə 29/10" olduğunu söyləmişdir.^[9]

O, 23 yanvar 2003-cü ildə 69 yaşında Belqradda vəfat etdi. Oğlu Uroş (o da futbolçu idi) 2015-ci ildə vəfat etdi.

Partizan

• Yuqoslaviya kuboku: 1954, 1956–57

Velej

• Yuqoslaviya kuboku: 1980–81
• Balkan Kuboku: 1980–81

Partizan

• Yuqoslaviya Birinci Liqası: 1982–83

• reprezentacija.rs saytında profili