Mirzə Səid xan Gərmərudi

Mirzə Səid xan Mirzə Süleyman oğlu Gərmərudi (15 mart 1816, İşlaq, Şərqi Azərbaycan ostanı – 17 noyabr 1883, Tehran) — diplomat, vali.

Mirzə Səid xan Gərmərudi
İranın Xarici işlər naziri
1880 – 1883
Monarx	Nasirəddin şah Qacar
Əvvəlki	Mirzə Hüseyn xan Sipəhsalar
Sonrakı	Mahmud xan Qaragözlü
İranın Xarici işlər naziri
1853 – 1873
Monarx	Nasirəddin şah Qacar
Əvvəlki	Mirzə Mohammad Ali-xan Şirazi[fa]
Sonrakı	Mirzə Hüseyn xan Sipəhsalar
Şəxsi məlumatlar
Doğum tarixi	15 mart 1816(1816-03-15)
Doğum yeri	Sərab vilayəti, Gərmərud mahalı, İşıqlı kəndi
Vəfat tarixi	17 noyabr 1883(1883-11-17) (67 yaşında)
Vəfat yeri	Tehran, Tehran şəhristanı, Tehran ostanı, İran
Fəaliyyəti	siyasətçi
Təltifləri

Mirzə Səid xan Mirzə Süleyman oğlu Sərab vilayətinin Gərmərud mahalının İşıqlı kəndində anadan olmuşdur. Mükəmməl mədrəsə təhsili almışdı. Qacarlar dövlətinin tanınmış şəxsiyyətlərindəndir. Mötəmənülmülk ləqəbini daşıyırdı. Onun soyu Xacə Abdulla Ənsariyə çatır. Atası Mirzə Süleyman ibn Mirzə Məhəmmədsəid ibn Mirzə Məhəmmədrza ibn Mirzə Süleyman ibn Mövlanə İshaq ibn Həmdulla Gərmərudun savadlı adamlarından idi.

Mirzə Səid xan Gərmərudi 1853-cü ildə İranın Xarici işlər naziri vəzifəsinə təyin olunmuşdu. 1869-cu ildə Gilan əyalətinə vali göndərilmişdi. 1870-ci ildə təkrar Xarici işlər naziri vəzifəsinə qaytarılmışdı.

Mirzə Səid xan Gərmərudi 1873-cü ildə Xorasan əyalətinə, Məşhəd şəhərinə İmam Rza hərəminə (məqbərəsinə) mütəvəlli göndərilmişdi.

Mirzə Səid xan Gərmərudi 1879-cu ildə üçüncü dəfə Xarici işlər naziri vəzifəsinə qaytarılmışdı.

Mirzə Səid xan Gərmərudi 1883-cü ildə vəfat edib.

Mirzə Səid xanın Mustafa xan adlı oğlu vardı.

• Ənvər Çingizoğlu, Qacarlar dövrünün diplomatları, Bakı, "Mütərcim", 2012. 334 səh.
• Ənvər Çingizoğlu, Ənsarilər, Bakı, "Mütərcim", 2012. 334 səh.