Monqolustan Demokratik Partiyası

Monqolustan Demokratik Partiyası (ing. Democratic Party;monq. Ардчилсан Нам) — Monqolustanın sağ milliyətçi siyasi partiyası.

Monqolustan Demokratik Partiyası Demokratik Partiya (monq. Ардчилсан Нам)
Qurucu	Dambın Dorliqjav (2000-2002)
Lideri	Zandaaxuuyqin Enxbold(2015 - )
Quruluş tarixi	1990 6 dekabr 2000
Baş qərargah	Ulan-Bator, Monqolustan
İdeologiya	Liberalizm Monqol millətçilik Sağ mərkəzçi
İdeoloji spektr	Mərkəz sağ
Gənclər təşkilatı	Demokratik Gənclər Birliyi
Üzv sayı	19 050
Parlamentdə	7/76
Saytı	demparty.mn
Vikianbarda əlaqəli mediafayllar

Tarixi[redaktə | mənbəni redaktə et]

1990-cı ildə demokratik inqilabdan sonra Monqolustan çoxpartiyalı sistemə keçdi^[1]. Demokratik inqilabla Monqolustan kommunist rejimli ölkədən demokratik ölkəyə çevrilirdi. İnqilabdan sonra ölkədə ilk olaraq Demokratik Partiyası, Monqolustan Milli Mütərəqqi Partiyası və Monqolustan Sosial Demokrat Partiyası təsis edildi. 6 dekabr 2000-ci ildə Monqolustan Milli Demokrat Partiyası, Monqolustan Sosial Demokrat Partiyası və digər 5 partiya Monqolustan Demokratik Partiyasında birləşdilər.

Kadrları[redaktə | mənbəni redaktə et]

1 aprel 2006-cı ildə Partiyanın qurultayında Tsaxia Elbeqdorj partiyanın lideri seçildi. Seçkilərə 4 namizəd qatılmışdı. İlk turda Tsaxia Elbeqdorj 46% səs topladı. Əsas rəqibi Erdeniyn Bar-Uul 40% səs toplamışdı. Digər namizədlər isə çox az səs toplamışdılar. Səsvermənin ikinci mərhələsində isə Tsaxia Elbeqdorj 57,2% səs toplayaraq səsvermədən qalib ayrılmışdı^[2]. 30 avqust 2008-ci ildə Demokratik Partiyasının Milli Məşvərət Komitəsi partiyanın yeni liderini seçdi. O, Norovyn Altanxuyaq idi^[3].

Seçkilərdə iştirakı[redaktə | mənbəni redaktə et]

2004-cü il Monqolustan parlament seçkilərində Vətən Demokratik Koalisiyasının tərkibində iştirak edir və 44,7% səslə parlamentdə 76 yerdən 34-ünə sahib olur. MDP lideri Tsaxia Elbeqdorj Koalisiya hökumətinin baş naziri olur və 2006-cı ilin yanvar ayınadək bu vəzifədə qalır. 2005-ci il prezident seçkilərində Partiyanın namizədi Mendşeyxan Enxsayxan yalnız 19.7 faiz səs topladı. 2008-ci il parlament seçkilərində partiya 76 yerdən 28-ini qazandı. Seçkilərdən sonra Monqolustan Demokratik Partiyası və Monqolustan Xalq Partiyası birlikdə koalisiya hökuməti formalaşdırıb. Hökumət daxilində partiyanın lideri Norovyn Altanxuyaq baş nazir vəzifəsini tutarkən, Baş nazirin birinci müavini, Maliyyə naziri, Səhiyyə naziri, Ekologiya və Turizm naziri, Nəqliyyat naziri, Yollar naziri, Tİkinci və şəhərsalma naziri və müdafiə naziri vəzifələri MDP-nin əlində idi.

2009-cu il Prezident seçkiləri[redaktə | mənbəni redaktə et]

3 aprel 2009-cu ildə Demokratik Partiyanın sədrliyinə seçkilərdə Partiyanın digər nümayəndəsi Erdeniyn Bat-Uulu 65,3%^[4] səslə məğlub edir. Elbeqdorjun prezdentliyə namizədliyi açıqlandıqdan sorna Vətəndaş İradəsi Partiyası və Yaşıllar Partiyası onun namizədliyini dəstəklədilər. 24 may tarixində keçirilən seçkilərdə 51,21% səslə seçkilərdən qalib ayrılır. keçmiş prezident isə 47,41% səs topladı.

Liderləri[redaktə | mənbəni redaktə et]

• Mendsayxan Enxsayxan (2002–2005)
• Radnaasümberelin Gonçiqdorj (2005–2006)
• Tsaxia Elbeqdorj (2006–2008)
• Norovyn Altanxuyaq (2008–2014)
• Zandaxuugin Enxbold (2015 —)

İstinadlar[redaktə | mənbəni redaktə et]