Murad Köhnəqala
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
 | Bu məqalədəki və ya bölmədəki məlumatlar köhnədir. |
Mahmudov Murad Piri oğlu (Murad Köhnəqala; 15 oktyabr 1959, Köhnəqala, Tovuz rayonu) — Azərbaycan şairi, publisist.
| Murad Köhnəqala | |
|---|---|
| Doğum tarixi | 15 oktyabr 1959 (65 yaş) |
| Doğum yeri | |
| Təhsili | |
| Fəaliyyəti | şair |
Həyatı
[redaktə | mənbəni redaktə et]Murad Köhnəqala 1959-cu il oktyabrın 15-də Tovuz rayonunun Köhnəqala kəndində anadan olmuşdur.[1] Burada orta məktəbi bitirmişdir. Tovuz rayonu 1 saylı toxumçuluq sovxozunda fəhlə işləmişdir (1976-1977). Ordu sıralarında xidmət etmişdir (1977-1979). Tərxis ediləndən sonra Şəmkir rayonunun Zəyəm Cırdaxan kəndində zərgər Sərdar Sultanovun şagirdi olmuşdur. Tovuz şəhər təmir-tikinti sahəsində fəhlə (1980-1982), Bakı şəhər metro tikintisində fəhlə (1983-1988) işləmişdir.
Yaradıcılığı
[redaktə | mənbəni redaktə et]1980-ci illərdən mətbuatda öz şerlərini vaxtaşırı çap etdirir. Moskvada Maksim Qorki adına Ədəbiyyat İnstitutunda təhsilini davam etdirmişdir (1985-1990).[1] Respublika Tərcümə və Ədəbi Əlaqələr Mərkəzində elmi redaktor işləmişdir (1991-1992). Bir vaxt "Yol" qəzetinin təsis etdiyi "Altun Ay" mükafatına layiq görülmüşdür (1992). Avrasiya Mətbuat fondunda əlaqəçi jurnalist olmuşdur. Sonra Sibirdə, Uzaq Şərqdə yaşamışdır (1993-1996). Bakı İncəsənət mərkəzinin şeir şöbəsində çalışmışdır. 1994-cü ildə Azərbaycan Yazıçılar Birliyinə üzv olsa da, sonradan öz ərizəsilə üzvlükdən çıxıb. Azad Yazarlar Ocağı adlı ədəbi təşkilatın yaradıcısı olub. Müstəqil media orqanlarında bədii və publisistik yazılarla çıxış edir.
Kitabları
[redaktə | mənbəni redaktə et]- "Alma əhvalatı"[1]
- "Bulud pinəçisi"[1]
- Nizami Cəfərovla türk dünyasına səyahət / M. Köhnəqala, Ş. Göytürk.- Bakı: AzAtaM: Elm və Təhsil, 2015.- 120 s.[2]
- "Yuxularım"
- "Amurun hekayələri"
Mükafatları
[redaktə | mənbəni redaktə et]- "Altun Ay" mükafatı — 1992
İstinadlar
[redaktə | mənbəni redaktə et]- ↑ 1 2 3 4 Babək Göyüş. ""İntihar etmək fikrinə düşmüşəm" – Murad Köhnəqala" (az.). aznews.az. 2014-11-03. 2019-07-09 tarixində arxivləşdirilib. İstifadə tarixi: 2019-07-09.
- ↑ "Biblioqrafiya: Azərbaycan kitab abidələri". 2020-02-04 tarixində orijinalından arxivləşdirilib. İstifadə tarixi: 2020-04-08.