Musa Musayev (parazitoloq)
Musayev Musa Əbdürəhman oğlu (27 dekabr 1921 və ya 1921[1], Gəncə – 4 dekabr 2010 və ya 4 oktyabr 2010, Bakı) — baytarlıq elmləri doktoru, professor, Azərbaycan Milli Elmlər Akademiyasının Biologiya elmləri bölməsinin akademik-katibi, AMEA Zoologiya İnstitutunun direktoru.
| Musa Musayev | |
|---|---|
| Musa Əbdürəhman oğlu Musayev | |
| Doğum tarixi | |
| Doğum yeri | Gəncə |
| Vəfat tarixi | (88 yaşında) |
| Vəfat yeri | Bakı, Azərbaycan |
| Elm sahəsi | parazitologiya |
| Elmi dərəcəsi |
|
| Elmi adı | professor |
| İş yeri | AMEA Zoologiya İnstitutu |
| Təhsili | |
| Mükafatları |
  |
Həyatı
[redaktə | mənbəni redaktə et]Musa Musayev 27 dekabr 1921-ci ildə Gəncə şəhərində anadan olmuşdur. Azərbaycan Kənd Təsərrüfatı İnstitutunu bitirmişdi.[2] Şeyxülislam Axund Məhəmməd Pişnamazzadənin nəvəsidir.
Əsas elmi nailiyyətləri
[redaktə | mənbəni redaktə et]Xeyli parazit və sərbəst yaşayan ibtidailərin (Protozoa) morfoloji xüsusiyyətləri və sistematikası tədqiq edilmişdir, ekoloji parazitologiyanın bəzi məsələləri işlənilmişdir. Məməlilər və quşlardan 150-dən çox elm üçün yeni koksidi növü təsvir edilmişdir, onlardan 15-nin həyat tərzi açıqlanmışdır. Koksidilər heyvanların bağırsaq, qan və başqa toxumalarında parazitlik etdikdə hüceyrə və orqanizm səviyyəsində parazit-sahib münasibətlərinin biokimyəvi və s. mexanizmləri tədqiq edilmişdir. Azərbaycanda zooloji tədqiqatların çoxillik nəticələri çap olunmuş monoqrafiyalarda ümumiləşdirilmişdir.
- Müxbir üzv seçildiyi tarix və ixtisasın adı: 1959, biologiya
- Həqiqi üzv seçildiyi tarix və ixtisasın adı: 1967, biologiya
- Çapdan çıxmış elmi əsərlərin ümumi sayı: 350
- Xaricdə çıxmış elmi əsərlərin sayı: 150
- Müəlliflik şəhadətnamələrinin və patentlərin sayı: 10
Əsas elmi əsərlərin adları
[redaktə | mənbəni redaktə et]- SSRİ-də yaşayan gəmiricilərin koksidləri, 1965 (rus dilində).
- Ev quşları koksidiozlarında parazit-sahib münasibətlərinin biokimyəvi xüsusiyyətləri, 1977(rus dilində).
- Qunduzun parazitosenozu və xəstəlikləri, 1987 (rus dilində).
- Azərbaycan heyvanlar aləmi (I cild) Birhüceyrəlilər və çoxhüceyrəlilər (buğumayaqlılar və xordalılardan başqa), 1995 (rus dilində).
- Azərbaycanda kənd təsərrüfatı heyvanları arasında kriptosporidlərin yayılması, 1996 (rus dilində).
- Beynəlxalq və xarici ölkələrin elmi qurumlarında üzvlüyü: SSRİ Elmlər Akademiyası nəzdində Ümumittifaq Protozooloqlar Cəmiyyətinin vitse-prezidenti (1976–1991)
"Parazitologiya" jurnalının redaksiya heyətinin üzvü (1967-1988)
- Ukrayna Parazitoloqlar Cəmiyyətinin fəxri üzvü
Təltif və mükafatlar
[redaktə | mənbəni redaktə et]- Azərbaycan SSR Dövlət mükafatı laureatı - 1991;
- H.Əliyev adına "Ekologiya sahəsindəki nailiyyətlərə görə" medal və mükafat - 1996;
- AMEA-nın Fəxri Fərmanı - 2001;
- "Şöhrət" ordeni - 2001.
Mənbə
[redaktə | mənbəni redaktə et]- Musa Əbdürəhman oğlu Musayev Arxivləşdirilib 2009-04-13 at the Wayback Machine
- Əli Hüseynov, Məcnun Babayev. "Məşhur biologiya alimləri", Bakı, "Maarif", 2002. səh.101
İstinad
[redaktə | mənbəni redaktə et]- ↑ Library of Congress Authorities (ing.). Library of Congress.
- ↑ "Arxivlənmiş surət". 2010-12-09 tarixində arxivləşdirilib. İstifadə tarixi: 2010-12-04.