Muxayıl Göyçəli

Muxayıl Göyçəli (Məsimov Muxayıl Budaq oğlu) — azərbaycanlı şair.

MUXAYIL GÖYÇƏLİ
Muxayıl Budaq oğlu Məsimov
Doğum tarixi	1918
Doğum yeri	Daşkənd, Basarkeçər, Göyçə
Vəfat tarixi	15 dekabr 1944
Vəfat yeri	Daşkənd, Basarkeçər, Göyçə
Vəfat səbəbi	Böyük Vətən müharibəsində yaralanıb
Dəfn yeri	Daşkənd,
Təhsili	Daşkənd kənd orta məktəbi[d]
Fəaliyyəti	şair
Muxayıl Göyçəli Vikimənbədə
Vikianbarda əlaqəli mediafayllar

Muxayıl Göyçəli 1918-ci ildə Qərbi Azərbaycanın Göyçə mahalının Daşkənd kəndində anadan olmuşdur. Orta təhsilini doğma Daşkənd kənd orta məktəbində almışdır.

Muxayıl Budaqoğlunun ata babası dövrünün çox imkanlı, varlı adamlarından olmuşdur. Ana babası Kərbəlayi Rüstəm və Kərbəlayi Rüstəmin qardaşları Nağı bəy, Tağı bəy, Tağı bəyin oğlu Qara İdris (Qaçaq İdris) 1918-ci ildə ermənilərə qarşı döyüşlərdə fədakarlıq göstərmiş el qəhrəmanları olmuşdur.

Muxayıl 1941-ci ildə Böyük Vətən müharibəsinə getmiş, ağır döyüşlərin iştirakçısı olmuş və 1942-ci ilin fevralın 26-da ağır döyüşlərin birində yaralanaraq cəbhədən qayıtmışdır.

Məsimov Muxayıl 1944-cü il dekabrın 15-də müharibədə aldığı yaralardan subay ikən əbədiyyətə qovuşmuşdur, məzarı ata-baba yurdu olan Göyçə mahalının Daşkənd kəndindədir.^[1]

Muxayıl Budaqoğlunun şeirlərini oxuyarkən məlum olur ki, o Göyçə ədəbi mühitindən, Azərbaycan klassik ədəbiyyatından və şifahi xalq ədəbiyyatından lazımınca yararlanmış və şeirin müxtəlif növlərində, - gəraylı, qoşma, təcnis, cığalı təcnis, divani kimi şeirlər yazıb, yaratmışdır. Muxayıl saz çalmağı Aşıq Surxaydan öyrənmişdir.

Muxayıl Budaqoğlunun əlyazmaları və bir neçə cəbhə şəkilləri hal-hazıra qədər 1988-ci ildən Bərdə rayonu Yeni Daşkənd kəndində məskunlaşan qardaşı Məsimov Oruc Budaq oğlu tərəfindən qorunub saxlanılmaqdadır.

• Araz Yaquboğlu, Daşkənd aşıqları və şairləri, Bakı, "Nurlan", 2008.

Vikianbarda Muxayıl Göyçəli ilə əlaqəli mediafayllar var.

Vikimənbədə Müəllif:Muxayıl Göyçəli ilə əlaqəli məlumatlar var.

• [1] Arxivləşdirilib 2016-03-10 at the Wayback Machine