Nəqqaş Mustafa Paşa (v. 1653, Krit, Osmanlı imperiyası) — IV Murad və Sultan İbrahim səltənətlərində müxtəlif vəzifələrdə xidmət edən Osmanlı dövlət xadimi, Misir bəylərbəyi.
| Nəqqaş Mustafa Paşa | |
|---|---|
| 4 avqust 1640 – 3 oktyabr 1642 | |
| Əvvəlki | Sultanzadə Mehmed Paşa |
| Sonrakı | Maqsud Paşa |
| Şəxsi məlumatlar | |
| Vəfat tarixi | 1653 |
| Vəfat yeri | |
| Həyat yoldaşı |
|
Doğum tarixi haqqında məlumat yoxdur. Əndərunda təlim-tərbiyə edildikdən sonra, sarayda bostançıbaşı olaraq xidmət etdi. Bu vəzifədə ikən 4 avqust 1640-cı ildə Misir bəylərbəyi olaraq təyin edildi. Ancaq 2 il sonra - 3 oktyabr 1642-ci ildə vəzifədən alındı və bütün mal-mülkü müsadirə edildi. Daha sonra bağışlanaraq divan vəziri oldu. Bu vəzifədə ikən 1643-cü ildə Sultan Əhmədin qızlarından Xanzadə Sultanla nigahlandı. Ardından 1645–1647-ci illərdə Budin bəylərbəyi olaraq xidmət etdi. 1649-cu ildə Gürcü Nəbi adlı üsyançının aradan qaldırılması ilə vəzifələndirildi. 1653-cü ildə Krit sancaqbəyi təyin edildi və həmin il orada vəfat etdi.