NBA seçmələri (ing. NBA draft) NBA-də yer alan komandaların müəyyən qaydalar daxilində oyunçu seçməsi sistemidir. NBA seçmələrində iştirak etmək üçün müəyyən şərtlər vardır. Müsabiqədə iştirak edəcək oyunçu seçimlərin edildiyi gün ən az 19 yaşında olmalıdır. Ümumi olaraq NCAA (Amerika Kollec İdmanları Assosiyasiyası) liqasında oynamış kollec oyunçularına önəm verilir. Kollec komandasında 4 mövsüm oynamış və məzun olmuş oyunçular avtomatik olaraq seçmələrdə seçilə bilər, lakin bu bir zərurət deyil. İstəyən hər oyunçu 4 il gözləməyib 19 yaşına çatdıqda istədiyi mövsümdən sonra seçmələrə girəcəyini açıqlaya bilər. Son illərdə ABŞ xaricindəki liqalardan da seçimlərə qatılan oyunçular olur. Xarici oyunçular 22 yaşına çatdığı il seçmələrdə avtomatik olaraq seçilə bilər. İstəyən oyunçular isə daha əvvəldən seçmələrə girə bilir.[1] Seçmə sisteminin NBA-nın bugünkü vəziyyətinə gəlməsində və komandalar arasındakı tarazlığın təmin edilməsində əhəmiyyətli rolu vardır.
Əvvəllər orta məktəbi bitirən oyunçular 18 yaşına gəldiklərində seçmələrda iştirak edə bilirdilər. 2006-cı ildən etibarən isə yaş həddi bir yaş artırıldı və orta məktəbi yeni bitirən oyunçular bir il daha gözləmə məcburiyyətində oldular.[2]
İstedadlı və gələcək vəd edən oyunçular bütün mövsüm boyunca oyunçu kəşfiyyatçıları tərəfindən təqib edilir. Eyni zamanda gənc oyunçular yay liqalarında da iştirak edirlər. Seçmələr iyun ayında, mövsüm bitdikdən dərhal sonra təşkil olunur. Seçki günü gəlindiyində komandaların seçəcəyi oyunçuların böyük bir qismi demək olarki bəlli olur.
Seçmələrdə ilk sıralarda daha çox böyük ulduz namizədləri seçilsə də böyük ulduz oyunçu olacaqları dəqiq olmur. Məsələn 1998-ci ildə hər kəsin seçimi olan və ilk sırada Los-Anceles Klippers tərəfindən böyük ümidlə seçilən Maykl Olovokandi ona bəslənən ümidləri doğrultmayıb və oyunçu mübadiləsində istifadə edilib. 1984-cü ildə 3-cü sıradan Çikaqo Bullz tərəfindən seçilən Şimali Karolina məzunu Maykl Cordan liqanın ən önəmli oyunçusu olmuş komandasına 6 çempionluq qazandırmışdır.
NBA seçmələri iki mərhələdən ibarət olur. İlk mərhələdə əvvəlki mövsüm pleyoffa girə bilməyən 14 komanda iştirak edir. Bu mərhələdə komandalar əvvəlki mövsüm sıralamasındakı vəziyyətlərinə görə NBA Lottery deyilən çəkilişə girirlər və çıxan nəticəyə görə oyunçularını seçərlər.
Bu komandaların sıralamada alacaqları sıra püşk ilə müəyyən edilir. Ancaq ən son sıradakı komandaların ilk sıralarda iştirak etmə ehtimalları daha yüksək olur. Sondan başlayaraq:
1. 250 kombinasiya (1-ci sıradan seçilmə ehtimalı %25)
2. 199 kombinasiya (% 19.9 ehtimal)
3. 156 kombinasiya (% 15.6 ehtimal)
4. 119 kombinasiya (% 11.9 ehtimal)
5. 88 kombinasiya (% 8.8 ehtimal)
6. 63 kombinasiya (% 6.3 ehtimal)
7. 43 kombinasiya (% 4.3 ehtimal)
8. 28 kombinasiya (% 2.8 ehtimal)
9. 17 kombinasiya (% 1.7 ehtimal)
10. 11 kombinasiya (% 1.1 ehtimal)
11. 8 kombinasiya (% 0.8 ehtimal)
12. 7 kombinasiya (% 0.7 ehtimal)
13. 6 kombinasiya (% 0.6 ehtimal)
14. 5 kombinasiya (% 0.5 ehtimal)
Bu ilk 14 oyunçudan sonra sonrakı 16 oyunçu isə pleyoffa çıxan komandalar tərəfindən seçilir. Burada sıralama komandaların mövsüm ərzində keçirdikləri oyunlar zamanı galibiyyət - məğlubiyyət nisbətinə görə müəyyən edilir. Sistemin fəaliyyəti yenə əvvəlki mövsümü ən yaxşı nisbətlə bitirən komandanın ən son seçim etməsi şəklindədir. Burada əhəmiyyətli olan mövsümü çempion bitirmək deyil, normal liqa oyunlarındakı qalibiyyət əmsalıdır. Məsələn 2004-cü ildə pleyofflar sonunda Detroyt Pistons çempion olduğu halda normal mövsümdə ən yüksək qalibiyyət nisbətini İndiana Peysers aldığı üçün son sırada İndiana seçmişdir.