NT-Art Qalereyası

NT-Art Qalereyası (ukr. Галерея NT-Art) — Ukraynanın Odessa şəhərində yerləşən müasir incəsənət qalereyası.

NT-Art Qalereyası
Xəritə
Əsası qoyulub 2007
Ölkə
Yerləşir Odessa
46°29′31″ şm. e. 30°43′43″ ş. u.
nt-art.net

Tarixi

[redaktə | mənbəni redaktə et]

NT-Art Qalereyası 20 dekabr 2007-ci ildə Ukraynanın Odessa şəhərində Anatoli Dımçuk tərəfindən açılmışdır.[1] Qalereyanın ilk kolleksiyası Dımçuka məxsus olmuş, burada 1950-ci illərdən indiki dövrə qədər olan 3,000-dən çox rəsm, heykəltəraşlıq, fotoşəkil və instalyasiya nümunələri olmuşdur. Müxtəliflik qalereya kolleksiyasının əsas xüsusiyyəti olaraq qəbul edilmişdir.[2] Vladimir Strelnikovun sözlərinə görə, NT-Art Odessada mövcud olmuş qeyri-konformist mənzil sərgilərinin ənənələrini davam etdirir.[3]

Qalereya müxtəlif ölkələrdən olan müasir rəssamların layihələrinə ev sahibliyi edən beynəlxalq Odessa Müasir İncəsənət Biennalesi üçün platforma rolunu oynayır. NT-Art Qalereyası vizual incəsənət, poeziya, moda və musiqini birləşdirən eksperimentlərə və layihələrə açıqdır. Qalereya sərgi layihələrinin həyata keçirilməsində, nəşriyyat fəaliyyətinin davam etdirilməsində ukraynalı rəssamlarla fəal əməkdaşlıq edir. Qalereyanın kolleksiyası dəfələrlə Ukraynanın müxtəlif şəhərlərində, o cümlədən Donetsk, Kiyev və Lvovda "Odessa məktəbi"nin sərgilərində nümayiş etdirilmişdir.[4][5]

Kolleksiya

[redaktə | mənbəni redaktə et]

Qalereyanın kolleksiyasının əhəmiyyətli hissəsini Odessa rəssamlıq məktəbinin nümayəndəsi Yuri Yeqorovun əsərləri təşkil edir. Qalereya Odessanın qeyri-konformist rəssamlarının – Aleksandr Anufriev, Vladimir Strelnikov, Valeri Basanets, Viktor Marinyuk, Aleksandr Stovbur, Valentin Xruş, Stanislav Sıçov və bir çox başqalarının əsərlərinin saxlanıldığı ən böyük kolleksiyalardan biridir. Onlar 1970-ci illərdə Ukraynada ideoloji təzyiqdən və qərəzli estetikadan uzaq qeyri-rəsmi incəsənətə yol açan ilk şəxslər kimi tanınırlar. Kolleksiyaya Feliks Koxrixt, V. Arsiyev, M. Knobel tərəfindən toplanmış və rəssamlardan alınmış əsərlər daxildir. Burada həm 1960–1980-ci illərin ilkin olaraq mənzil sərgilərində nümayiş etdirilən əsərləri, həm də sonrakı dövrlərə aid əsərlər nümayiş olunur.[6]

Kolleksiyada XIX əsrin sonlarında Cənubi Rusiya rəssamlıq məktəbinin davamçıları olan Konstantin Lomıkin, Nikolay Şelyuto, Albin Qavdzinski, Vladimir Litvinenko, Orest Sleşinski, Adolf Loza və Viktor Jurakovski kimi rəssamların əsərləri yer alır. 1990-cı illərdən indiki dövrə qədərki müddəti əhatə edən müasir Ukrayna incəsənəti Vasili Ryabçenko, Oleksandr Qnilitski, Arsen Savadov, Vasili Tsaqolovun və bir çox başqalarının əsərləri ilə təmsil olunur.[7][8]

İstinadlar

[redaktə | mənbəni redaktə et]
  1. ↑ "25 самых влиятельных деятелей украинского арт-рынка". ФОКУС. 2019-02-02 tarixində arxivləşdirilib. İstifadə tarixi: 2019-02-02.
  2. ↑ "Выставка знаменитого французского художника в одесской галерее (ФОТОРЕПОРТАЖ)". Южный Курьер. Одесса. 2019-02-02 tarixində arxivləşdirilib. İstifadə tarixi: 2019-02-02.
  3. ↑ "«Контурные карты», волокна-кружева и раритетная Одесса: Владимир Стрельников в галерее NT-art". 2018-08-03 tarixində arxivləşdirilib. İstifadə tarixi: 2019-03-14.
  4. ↑ "От квартиры до забора. «Одесская школа» в «Мыстецьком арсенале» // Коммерсант-Украина". 2016-03-11 tarixində arxivləşdirilib. İstifadə tarixi: 2019-03-14.
  5. ↑ "Одесу можна обійти за три години". 2016-03-04 tarixində arxivləşdirilib. İstifadə tarixi: 2019-03-14.
  6. ↑ "Odessa Gallery of modern art: NT-art". 2015-06-17 tarixində arxivləşdirilib. İstifadə tarixi: 2019-03-14.
  7. ↑ "Произведения художников-нонконформистов в музейных собраниях Одессы". 2019-03-14 tarixində arxivləşdirilib. İstifadə tarixi: 2019-03-14.
  8. ↑ "Одесский нонконформизм восьмидесятых: от «нон» до «пост»". vo.od.ua. 2019-02-14 tarixində arxivləşdirilib. İstifadə tarixi: 2019-02-14.

Xarici keçidlər

[redaktə | mənbəni redaktə et]

Televiziya

[redaktə | mənbəni redaktə et]

Çap nəşrləri

[redaktə | mənbəni redaktə et]