Naum Naumtsev

Naum Qriqoryeviç Naumtsev (rus. Наум Григорьевич Наумцев; 16 oktyabr 1913, Bakı, Rusiya İmperiyası — 30 noyabr 2000, Samara Rusiya) — sovet futbolçusu, müdafiəçi. Böyük Vətən Müharibəsi iştirakçısı.

Naum Naumtsev
rus. Наум Григорьевич Наумцев
Ümumi məlumatlar
Doğum tarixi	16 oktyabr 1913
Doğum yeri	Bakı, Rusiya İmperiyası
Vəfat tarixi	30 noyabr 2000 (87 yaşında)
Vəfat yeri	Samara, Rusiya
Vətəndaşlığı	SSRİ
Mövqeyi	müdafiəçi
Karyerası
Klub karyerası[* 1] 1937 Temp Bakı ? (?) 1937 Dinamo GOHM 11 (0) 1938 Neftyanik ? (?) 1939 Temp Bakı 14 (0) 1940 Cənub İnşaatçısı 26 (0) 1941 Qırmızı Ordu 3 (0) 1944 Dinamo Tbilisi ? (?) 1945—1946 DO Tbilisi 34 (1) 1947 Dinamo Tbilisi 19 (0) 1948 Dinamo GOHM ? (2) 1948—1950 Neftyanik 38 (1) Dövlət mükafatları
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

Naum Naumtsev 16 oktyabr 1913-cü ildə Bakı şəhərində anadan olub.^[1]

Naum Naumtsev futbolçu karyerası ərzində Bakının "Temp Bakı", "Dinamo GOHM", "Neftyanik", "Cənub İnşaatçısı", Tbilisinin "Dinamo" və "DO Tbilisi", həmçinin Moskvanın "Qırmızı Ordu" komandasının heyətində çıxış edib. O, ümumilikdə Futbol üzrə SSRİ yüksək liqasında 60 oyun keçirib, 1 qol vurub.^[1]

1947-ci ildə "Dinamo Tbilisi"nin heyətində SSRİ yüksək liqasının bürünc mükafatçısı olub.^[2]

Naum Naumtsev 1940-cı ilin avqustunda Qızıl Ordu sıralarına çağırılıb.^[3] İkinci Dünya müharibəsinin iştirakçısıdır. O, "İgidliyə görə" (1942),^[3] "Moskvanın müdafiəsinə görə" (1945),^[4] və "1941–1945-ci illər Böyük Vətən müharibəsində Almaniya üzərində qələbəyə görə"^[5] medalları ilə, həmçinin 2-ci dərəcəli "Vətən müharibəsi" ordeni (1985)^[6] ilə təltif olunub.

Naum Naumtsev Bakıda teatrda aktrisa işləyən Zoya Nikolayevna Astafyeva ilə evli olub. Bu evlilikdən Yuri adlı oğlu olub. Yuri peşəkar basketbolçu və aktyor olub. Kişilərdən ibarət basketbol üzrə SSRİ milli komandasının heyətində çıxış edib.^[7]