Nazim Aslan Bozalqanlı

Nazim Aslan oğlu Vəliyev 22 fevral 1960-cı ildə Tovuz rayonunun Bozalqanlı kəndində anadan olmuşdur.

Nazim Vəliyev
Doğum tarixi 22 fevral 1960(1960-02-22) (63 yaş)
Doğum yeri
Elm sahəsi Neft yataqlarının işlənməsi
Elmi dərəcələri
  • Texnika elmləri namizədi - 1990;
    * Rusiya Mühəndislik Akademiyasının həqiqi (xarici) üzvü[1]
    ; * Ümumdünya Texnologiya Universiteti və YUNESKO-nun Akkreditasiyası üzrə Texnika elmləri Doktoru - 2015;
    * Beynəlxalq Ekoenergetika Akademiyasının Professor-doktoru - 2015
Təhsili
Mükafatları * "Qızıl qələm" mükafatı;
* "Tərəqqi" medalı - (2008);
* "Əməkdar Mühəndis" Fəxri adı - (2011);
* "Həmkarlar İttifaqında xidmətlərinə görə" medalı (2013);
* Keçmiş ""SSRİ Neft Sənayesi Nazirliyi""nin və SOCAR-ın digər bir sıra fəxri fərmanları və diplomları.
nazim-veliyev.narod.ru

Həyatı[redaktə | mənbəni redaktə et]

Texnika elmləri namizədi (1990), Dosent (28.10.2016), Ümumdünya Texnologiya Universiteti və YUNESKO-nun Akkreditasiyası üzrə Texnika elmləri Doktoru 2015 və Professoru (2017[2]) Rusiya Mühəndislik Akademiyasının həqiqi (xarici) üzvü[1], Beynəlxalq Ekoenergetika Akademiyasının Professor-doktoru 2015, SOCAR-ın Baş ofisinin elm, texnika və nanotexnologiyalar departamentinin rəisi, bir sıra elmi və bədii kitabların müəllifidir.

İngilis və rus dillərini bilir.

Bir oğlu, bir qızı var.

İstehsalat fəaliyyəti[redaktə | mənbəni redaktə et]

1982-ci ildən Azərbaycan Neft-Qaz Sənayesinin Elmi-Tədqiqat və Layihə İnstitutunda işləməyə göndərilmişdir. Burada o, mühəndis, kiçik elmi işçi, elmi işçi, böyük elmi işçi vəzifəsində çalışmış, aspiranturada oxumuş və 1990-cı ildə dissertasiya müdafiə edərək, texnika elmləri namizədi alimlik dərəcəsinə layiq görülmüşdür.

N. Vəliyev 1993-cü ildən Azərbaycan Respublikası Dövlət Neft Şirkəti (indiki SOCAR) aparatında baş mütəxəssis, şöbə rəisinin müavini vəzifələrində çalışmışdır. 2003-cü ildən ARDNŞ-nin Baş ofisində "Elm və texnika" şöbəsinin, 2020–ci ildən isə “Elm , texnika və nanotexnologiyalar departamentinin rəisi, paralel olaraq, 1993-cü ildən ictimai əsaslarla Baş ofisin "Həmkarlar İttifaqı Komitəsi"nin sədridir.

Neftqazçıxarma, onun idarəedilməsi, marketinqi və s. üzrə bir sıra beynəlxalq sertifikatlara malikdir.

Dünya Neft Şurası və Azərbaycan Milli Neft Komitəsi İdarə Heyətinin, Enerji Xartiyası Sənaye Məsləhət Şurasının, Azərbaycanın Avropa Enerji Xartiyası üzrə Ekspert Komissiyasının, Yataqların Ehtiyatlarının Hesablanması üzrə Mərkəzi Komissiyanın, Yataqların İşlənməsi üzrə Ekspert Komissiyasının üzvü, SOCAR-ın Elmi-Texniki Şurasının sədr müavini, Neft–Qaz Sənayesi İşçilərinin Həmkarlar İttifaqı Məclisinin üzvüdür.

Təhsili və elmi fəaliyyəti[redaktə | mənbəni redaktə et]

Nazim Aslan oğlu Vəliyev — 1977–1982 Azərbaycan Dövlət Neft Akademiyasında (keçmiş "Azərbaycan Neft və Kimya institutu"nda), 1998–2022-ci illərdə Dövlət İdarəçilik Akademiyasında təhsil almış, oranı fərqlənmə diplomu ilə bitirmişdir:

90 elmi işin, o cümlədən dərc edilmiş 60-dən çox elmi məqalə və məruzə tezislərinin müəllifidir. Bir çox beynəlxalq konfrans və simpoziumlarda məruzələrlə çıxış etmişdir. 1990-cı ildə "Texnika elmləri namizədi" elmi adını almış, 2015-ci ildə Ümumdünya Texnologiya Universiteti və YUNESKO-nun Akkreditasiyası üzrə Texnika elmləri Doktoru[2] və Beynəlxalq Ekoenergetika Akademiyasının Professor-doktoru adlarını almış, "Caspian European Club"-un "Caspian Energy Award — 2015" mükafatına layiq görülmüşdür[3]. Rusiya Mühəndislik Akademiyasının həqiqi (xarici) üzvüdür[1], 2016-cı ildə isə Dosent, 2017-ci ildə isə Professor elmi adını almışdır.

Ədəbi fəaliyyəti[redaktə | mənbəni redaktə et]

N.Vəliyev hələ orta məktəbdə oxuduğu vaxtlardan poeziyaya maraq göstərmişdir. "Neftçi" ədəbi-bədii dərnəyinin üzvü kimi onun şeirləri respublika qəzetlərinin səhifələrində müntəzəm dərc olunur. "Sənsiz yaşamağa dəyməz" (Bakı, "Azərbaycan", 2000)[4] və "İzin qalacaq" (Bakı, "Yazıçı", 2011) adlı 2 şeir kitabı nəşr edilmişdir.

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. ↑ 1 2 3 "Akademiyanın Ümumi yığıncağının 15.05.2015 tarixli, 9 saylı Qərarı". 2017-09-09 tarixində arxivləşdirilib. İstifadə tarixi: 2016-10-21.
  2. ↑ 1 2 "МАААК. Список Дипломантов". 2022-01-22 tarixində arxivləşdirilib. İstifadə tarixi: 2016-03-14.
  3. ↑ ""Caspian European Club" 12-ci dəfə "Caspian Energy Award - 2015" mükafatını təqdimetmə mərasimini keçirmişdir". 2019-05-17 tarixində orijinalından arxivləşdirilib. İstifadə tarixi: 2016-02-24.
  4. ↑ Nazim Aslan, "Sənsiz yaşamağa dəyməz". Şerlər /M.F.AXUNDOV ad. Azərbaycan Milli Kitabxanasında/, 983-cü ədəbiyyat Arxivləşdirilib 2012-11-02 at the Wayback Machine
  5. ↑ Azərbaycan Respublikasının neft sənayesi işçilərinin təltif edilməsi haqqında Azərbaycan Respublikası Prezidentinin 18.09.2008 tarixli № 3049 saylı Sərəncamı
  6. ↑ "Azərbaycan Respublikasının neft sənayesi işçilərinə "Əməkdar Mühəndis" fəxri adı verilməsi haqqında Azərbaycan Respublikası Prezidentinin 19.09.2011 tarixli 1740 saylı Sərəncamı". 2021-06-24 tarixində arxivləşdirilib. İstifadə tarixi: 2013-01-14.
  7. ↑ "Azərbaycan Respublikasında neft sənayesi işçilərinin təltif edilməsi haqqında Azərbaycan Respublikası Prezidentinin 07 noyabr 2017 tarixli Sərəncamı". 2019-05-17 tarixində arxivləşdirilib. İstifadə tarixi: 2018-02-13.
  8. ↑ "Mükafatın təqdim edilmə mərasimi". 2023-08-04 tarixində arxivləşdirilib. İstifadə tarixi: 2022-12-28.

Mənbə[redaktə | mənbəni redaktə et]