Nazim Cəbrayılov

Nazim İbrahim oğlu Cəbrayılov (2 mart 1949, Ağdam – 18 aprel 1994, Qarabağ) — Azərbaycan Silahlı Qüvvələrinin kapitanı, Birinci Qarabağ müharibəsi şəhidi.

Nazim Cəbrayılov
Nazim İbrahim oğlu Cəbrayılov
Şəxsi məlumatlar
Doğum tarixi	2 mart 1949
Doğum yeri	Ağdam, Azərbaycan SSR
Vəfat tarixi	18 aprel 1994 (45 yaşında)
Vəfat yeri	Qarabağ Azərbaycan
Vəfat səbəbi	Şəhid
Atası	İbrahim Cəbrayılov
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru qoşunları
Xidmət illəri	1988-1994
Rütbəsi	Kapitan
Döyüşlər	Qarabağ müharibəsi
Təltifləri

Həyatı və fəaliyyəti[redaktə | mənbəni redaktə et]

Nazim Cəbrayılov 1949-cu il martın 2-də Ağdam şəhərində anadan olub. Ağdam şəhər 1 nömrəli orta məktəbi bitirən Nazim Cəbrayılov 1966-cı ildə Azərbaycan Xalq Təsərrüfatı İnstitutuna daxil olub. Ali təhsilini bitirdikdən sonra təyinatla Türkmənistanın Aşqabad şəhərinə göndərilib. Aşqabad şəhər DİŞ-nin SƏDM bölməsində işləyib.

Daha sonra Kalininqrad Milis Məktəbində oxuyan Nazim Cəbrayılov ikinci ixtisas diplomu alıb. Bir müddət işlədikdən sonra vətənə qayıdıb və 2711 nömrəli hərbi avtomobil dəstəsində hərbi mühəndis vəzifəsində çalışıb.

Hərbi xidməti[redaktə | mənbəni redaktə et]

1988-ci ilin Ermənistanın Azərbaycan torpaqlarına hücumundan sonra baş leytenant Nazim Cəbrayılov Azərbaycanın ərazi bütövlüyünün müdafiəsi üçün hərbi xidmətə yollanıb. O, Müdafiə Nazirliyinin əmri ilə taqım komandiri təyin edilib.

1994-cü il aprelin 13-də Nazim Cəbrayılov vaxtından əvvəl kapitan rütbəsinə təqdim edilib. 1994-cü ilin 18 aprelində Nazim Cəbrayılov və onun əsgərləri döyüşdə şəhid olublar.^[1]

Təltif və mükafatları[redaktə | mənbəni redaktə et]

Şəxsi şücaət və qəhrəmanlığına görə Azərbaycan Respublikasının Prezidenti Heydər Əliyevin sərəncamı ilə Nazim İbrahim oğlu Cəbrayılov "Azərbaycan Bayrağı" ordeni ilə təltif edilib.^[2]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

• Cəbrayılov Nazim İbrahim oğlu