Nikolay Statsyuk

Nikolay Arsentyeviç Statsyuk (15 may 1917, Letiçev rayonu^[d] – 23 mart 1976, Bakı) — Sovet İttifaqı Qəhrəmanı (24 mart 1945)

Nikolay Statsyuk
Şəxsi məlumatlar
Doğum tarixi	15 may 1917(1917-05-15)
Doğum yeri	Letiçev rayonu[d], SSRİ
Vəfat tarixi	23 mart 1976(1976-03-23) (58 yaşında)
Vəfat yeri	Bakı, Azərbaycan SSR, SSRİ
Hərbi fəaliyyəti
Mənsubiyyəti	Ukraynalı
Rütbəsi	starşina
Döyüşlər	Böyük Vətən müharibəsi
Təltifləri

Nikolay Statsyuk 1917-ci ildə Ukraynanın Xmelnitski vilayətinin Letiçev rayonunun Zavolk kəndində ukraynalı ailəsində anadan olub^[1].

Nikolay Statsyuk 1936-cı ildə Bakıya gəlmiş və neft mədənində traktorçu işləmişdir. 12 iyun 1941-ci ildə Bakı Şəhər Hərbi Kommisarlığından orduya çağırılmışdır. Müharibə başlandığı günlərdə Nikolay Statsyuk SSRİ-nin qərbində orduda xidmət edirdi. Tank hissəsində starşina rütbəsilə xidmət etmişdir. Sovet ordusu ilə faşist ordusu arasında 1943-cü ildə baş vermiş ağır tarixi Kursk döyüşündə N.Statsyuk da iştirak etmiş və qəhrəmancasına vuruşmuşdur. Faşist ordusunun məğlub olaraq geriyə çəkilməsi dövründə tank bölməsi komandiri N.Statsyuk Visla və Oder çaylarını dəstənin başında hərəkət edən öz tankında keçərək qəhrəmancasına vuruşmuşdur. Son döyüşlərin birində o, öz tankı ilə düşmənin 8 tankını sıradan çıxartmışdır.

24 mart 1945-ci ildə Sovet İttifaqı Qəhrəmanı adına layiq görülmüşdür. "Lenin" ordeni və Qırmızı Ulduz medalı ilə təltif edilmişdir^[1].

Müharibə qurtardıqdan sonra N.Statsyuk Bakıya qayıtmışdır. 1948-ci ildə Bakı Neft texnikumunu bitirmiş və neft mədənləri idarəsində rəis müavini vəzifəsində işləmişdir.

23 mart 1976-cı ildə vəfat etmişdir^[1].

• İ.Z.İsmayılov, Azərbaycanlıların II Dünya müharibəsində iştirakı, Bakı: 2000.  (az.)
• Герои Советского Союза сыны Азербайджана, Баку, 1965  (rus.)

• Стацюк Николай Арсентьевич  (rus.)