Nisari (1516 – 1597), əsl adı Xoca Bahəddin Həsən və ya Həsən Xoca Nəqib Əşrəf Buxari — Buxara xanlığında Şeybanilər dövrünün özbək şairi.
| Nisari | |
|---|---|
| Doğum tarixi | 1516 |
| Vəfat tarixi | 1597 |
"Nisari" təxəllüsü Xoca Bahəddin Həsən və ya Həsən Xoca Nəqib Əşrəf Buxariyə aid edilir.[1]
Nisari 1516-cı ildə Buxarada anadan olmuş və bütün uşaqlığını burada keçirmişdir. İbtidai təhsilini atasının rəhbərliyi altında almış, sonra o dövrün alimləri Səfiəddin Müstəufi Rumi (hədis), Məsum Xoca İşki ("Quran" tilavəti üsulları), Əmirə Mehdi Hüseyni (riyaziyyat və astronomiya), Mövlana Qiyaməddin Bəlxi (riyaziyyat və astronomiya), Mövlana Məhəmməd (tibb), Mir Mahmud Baçki (musiqi) və bir neçə başqalarının rəhbərliyi ilə Bəlx, Herat, Qəzvin və Məşhəd mədrəsələrində təhsilini davam etdirmişdir. Nisari elmləri öyrənməyə can atmışdır və onların bir çoxunda, xüsusən də riyaziyyat elmlərində mahir idi. O, astronomiyadan məlumatlı idi və astrolabiya ilə tanış idi.[1]