Orxan Məmmədov

Orxan Məmmədov (1 iyul 1984, Bakı) — Azərbaycan iqtisadçısı, Kiçik və Orta Biznesin İnkişafı Agentliyinin İdarə Heyətinin sədri,[1] "Zirə FK" Peşəkar Futbol Klubunun Müşahidə Şurasının sədri və Azərbaycan Minifutbol Federasiyasının prezidenti.[2][3][4]

Orxan Məmmədov
Vəzifədədir
27 fevral 2018-ci ildən
Şəxsi məlumatlar
Doğum tarixi 1 iyul 1984(1984-07-01) (40 yaş)
Doğum yeri
Milliyyəti Azərbaycanlı
Vətəndaşlığı Azərbaycan Azərbaycan
Təhsili
Fəaliyyəti iqtisadçı
Uşağı 3
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Orxan Vidadi oğlu Məmmədov 1 iyul 1984-cü ildə Bakı şəhərində anadan olmuşdur. İlk təhsilini Bakı şəhərində Tofiq İsmayılov adına 6 nömrəli məktəb-liseydə almış, 2001-ci ildə Bakı Dövlət Universitetinin beynəlxalq münasibətlər və beynəlxalq hüquq fakültəsinə daxil olmuşdur. 2005-ci ildə həmin universiteti bitirdikdən sonra təhsilinə beynəlxalq biznes və maliyyə proqramı üzrə Böyük Britaniyanın Regent Universitetində davam etmişdir. 2007-ci ildə məzun olduqdan sonra Odlar Yurdu Universitetində biznes administrasiyası üzrə magistr təhsilinə başlamışdır. Daha sonra 2010–2012-ci illərdə Azərbaycan Dövlət İqtisad Universitetində maliyyə və kredit ixtisası üzrə təhsil almışdır.[1][5]

2005–2006-cı illərdə Azərbaycan Respublikası Silahlı Qüvvələrində həqiqi hərbi xidmət keçmişdir.

İngilis, rus və türk dillərini bilir.

Ailəlidir, 3 övladı var.

Fəaliyyəti

[redaktə | mənbəni redaktə et]

Əmək fəaliyyəti

[redaktə | mənbəni redaktə et]

Orxan Məmmədov əmək fəaliyyətinə 2006-cı ildə Azərbaycan Respublikası Energetika Nazirliyində Beynəlxalq təşkilatlar şöbəsinin Beynəlxalq təşkilatlarla iş sektorunun aparıcı məsləhətçisi kimi başlayıb. O, 2007-ci ildə Azərbaycan Respublikası İqtisadiyyat Nazirliyinin Sahibkarlığın inkişafı siyasəti şöbəsinin müdir müavini vəzifəsinə təyin olunub və 2009-cu ilə kimi həmin vəzifəni icra edib, daha sonra həmin ildə Azərbaycan Respublikasının İqtisadi İnkişaf Nazirliyinin Xarici iqtisadi əlaqələr şöbəsinin müdir müavini vəzifəsində təyinat alıb. 2011-ci ilin aprel-dekabr aylarında əmək fəaliyyətinə Azərbaycan Respublikasının İqtisadi İnkişaf Nazirliyinin Dövlətlərarası iqtisadi əməkdaşlıq şöbəsinin müdir müavini, 2011–2014-cü illərdə isə həmin şöbənin müdiri kimi davam edib. 2014–2016-cı illərdə Azərbaycan Respublikasının İqtisadiyyat və Sənaye Nazirliyinin, 2016–2018-ci illərdə isə Azərbaycan Respublikasının İqtisadiyyat Nazirliyinin Dövlətlərarası iqtisadi əməkdaşlıq şöbəsinin müdiri vəzifəsində çalışıb.

Prezident İlham Əliyevin minifutbol üzrə Avropa çempionatının qalibi olan milli komandanın üzvləri ilə görüşündən.

O, İqtisadiyyat Nazirliyində işlədiyi dövr ərzində müxtəlif ölkələrlə birgə yaradılmış hökumətlərarası komissiyaların 100-ə yaxın iclaslarında və müxtəlif işçi qruplarında təmsil olunub, bir sıra beynəlxalq əhəmiyyətli tədbirlərin təşkilində yaxından iştirak edib.

27 fevral 2018-ci il tarixindən Azərbaycan Respublikasının Kiçik və Orta Biznesin İnkişafı Agentliyinin İdarə Heyətinin sədri vəzifəsinə təyin edilib.

KOBİA-ya rəhbərliyi dövründə agentlik Kiçik Biznes üzrə Beynəlxalq Şuraya (The International Council for Small Business — ICSB),[6] Ümumdünya DÖST Qurumları və Peşəkarları Assosiasiyasına (WAPPP),[7] Kiçik və Orta Müəssisələr üçün Beynəlxalq Şəbəkəyə (INSME) üzv qəbul edilib,[8] agentliyin təşəbbüsü ilə Ukrayna-Azərbaycan İşgüzar Şurası yaradılıb,[9] KOB sahəsində Azərbaycan təcrübəsinin paylaşılması və bu sahədə xarici ölkələrlə əlaqələrin genişləndirilməsi üçün müxtəlif tədbirlər həyata keçirilib.[10][11][12]

Orxan Məmmədov 2017-ci ildən Azərbaycan Minifutbol Federasiyasının fəxri prezidenti və 2022-ci ildən "Zirə FK" Peşəkar Futbol Klubunun Müşahidə Şurasının sədridir.[3][13][14] Azərbaycan Minifutbol Federasiyasının fəxri prezidenti olduğu müddətdə, Azərbaycan minifutbol üzrə milli yığması 2022-ci ildə Slovakiyada keçirilmiş yarışda Avropa çempionu olub.[15] Azərbaycan Minifutbol Federasiyasının prezidenti Taleh Nəsibov Azərbaycan Minifutbol yığmasının Avropa çempionu olmasından danışarkən Orxan Məmmədovun əməyini belə qeyd edib:[2]

" Azərbaycanda minifutbol federasiyasının yaradılmasının əsas təşəbbüskarı "Zirə" futbol klubunun prezidenti Orxan Məmmədovdur. "

O 11 iyul 2023-cü ildə Azərbaycan Minifutbol Federasiyasının prezidenti seçilib.[4]

Orxan Məmmədov Azərbaycanda innovativ sahibkarlıq, təşəbbüskarlıq və startap ekosisteminin inkişafındakı fəaliyyətləri ilə tanınır.[16][17]

Qalereya

[redaktə | mənbəni redaktə et]
  • "Azərbaycan Beynəlxalq Qida Sənayesi" sərgisi.
    "Azərbaycan Beynəlxalq Qida Sənayesi" sərgisi.
  • Kiçik və Orta Biznesin Dostu (KOB Dostu) ofisinin açılışı.
    Kiçik və Orta Biznesin Dostu (KOB Dostu) ofisinin açılışı.
  • KOBİA İdarə Heyətinin sədri Orxan Məmmədov 27.11.2019-cu ildə "Azərbaycan Narı" döş nişanı ilə təltif olundu.
    KOBİA İdarə Heyətinin sədri Orxan Məmmədov 27.11.2019-cu ildə "Azərbaycan Narı" döş nişanı ilə təltif olundu.
  • Füzuli Beynəlxalq Hava Limanının açılışı çərçivəsində Cocuq Mərcanlı kəndində yaradılmış suvenir istehsalı müəssisəsinin təqdimatı.
    Füzuli Beynəlxalq Hava Limanının açılışı çərçivəsində Cocuq Mərcanlı kəndində yaradılmış suvenir istehsalı müəssisəsinin təqdimatı.

İstinadlar

[redaktə | mənbəni redaktə et]
  1. ↑ 1 2 "KOBİA - Orxan Məmmədov - İdarə Heyətinin sədri". smb.gov.az. 2022-06-20 tarixində arxivləşdirilib. İstifadə tarixi: 2023-02-08.
  2. ↑ 1 2 "Orxan Məmmədovu AFFA-nın rəhbərliyində görmək üçün bir neçə ciddi səbəb - GÜNDƏM". Sportinfo.Az (az.). 2022-06-14. 2023-02-08 tarixində arxivləşdirilib. İstifadə tarixi: 2023-02-08.
  3. ↑ 1 2 "Orxan Məmmədov: "Qarabağ"a təşəkkür edirik!"". Report İnformasiya Agentliyi (az.). 2023-02-08 tarixində arxivləşdirilib. İstifadə tarixi: 2023-02-08.
  4. ↑ 1 2 FED.az. "Orxan Məmmədov federasiya rəhbəri seçildi - FOTO". FED.az (az.). 2023-07-11. 2023-07-19 tarixində arxivləşdirilib. İstifadə tarixi: 2023-07-12.
  5. ↑ mia.az. "Yeni agentliyin icraçı direktoru vəzifəsinə təyin edilən Orxan Məmmədov kimdir? - FOTO". mia.az (az.). 2023-08-06 tarixində arxivləşdirilib. İstifadə tarixi: 2023-02-27.
  6. ↑ "KOBİA Kiçik Biznes üzrə Beynəlxalq Şuraya üzv qəbul edilib". Milli.Az (az.). 2021-11-11. 2023-04-15 tarixində arxivləşdirilib. İstifadə tarixi: 2023-04-10.
  7. ↑ "KOBİA Ümümdünya DÖST Qurumları və Peşəkarları Assosiasiyasına üzv oldu". Report İnformasiya Agentliyi (az.). 2023-04-14 tarixində arxivləşdirilib. İstifadə tarixi: 2023-04-10.
  8. ↑ "KOBİA Kiçik və Orta Müəssisələr üçün Beynəlxalq Şəbəkəyə üzv oldu". Trend.Az (az.). 2020-02-21. 2023-04-15 tarixində arxivləşdirilib. İstifadə tarixi: 2023-04-10.
  9. ↑ "Ukrayna-Azərbaycan İşgüzar Şurası yaradılıb (FOTO)". Trend.Az (az.). 2021-06-24. 2023-04-14 tarixində arxivləşdirilib. İstifadə tarixi: 2023-04-10.
  10. ↑ "Orxan Məmmədov: KOBİA təcrübəsini Macarıstanla bölüşməyə hazırdır". azertag.az (az.). 2023-08-06 tarixində arxivləşdirilib. İstifadə tarixi: 2023-04-11.
  11. ↑ "Orxan Məmmədov: Startapların inkişafı üçün Polşa təcrübəsini öyrənməkdə maraqlıyıq". azertag.az (az.). 2023-08-06 tarixində arxivləşdirilib. İstifadə tarixi: 2023-04-11.
  12. ↑ "Orxan Məmmədov: "Biz Latviya ilə işgüzar əməkdaşlığın inkişafı təşəbbüslərini dəstəkləməyə hazırıq"". Report İnformasiya Agentliyi (az.). 2023-04-16 tarixində arxivləşdirilib. İstifadə tarixi: 2023-04-11.
  13. ↑ "Orxan Məmmədov: "Zirə"nin əsas məqsədi avrokuboklara vəsiqə qazanmaqdır"". Report İnformasiya Agentliyi (az.). 2023-02-09 tarixində arxivləşdirilib. İstifadə tarixi: 2023-02-09.
  14. ↑ ""Zirə"də Müşahidə Şurası yaradılıb". Report İnformasiya Agentliyi (az.). 2023-02-27 tarixində arxivləşdirilib. İstifadə tarixi: 2023-02-27.
  15. ↑ "İlham Əliyev minifutbol üzrə Avropa çempionatının qalibi olan milli komandamızın üzvlərini qəbul edib » Azərbaycan Prezidentinin Rəsmi internet səhifəsi". president.az (az.). 2023-01-13 tarixində arxivləşdirilib. İstifadə tarixi: 2023-02-27.
  16. ↑ "Azerbaijan strengthens contacts with Polish startup ecosystem". azertag.az (ingilis). 2022-12-19 tarixində arxivləşdirilib. İstifadə tarixi: 2023-02-09.
  17. ↑ "Orkhan Mammadov: Entrepreneurs in Azerbaijan prefer preferential loans". Report News Agency (ingilis). 2023-02-09 tarixində arxivləşdirilib. İstifadə tarixi: 2023-02-09.

Xarici keçidlər

[redaktə | mənbəni redaktə et]