Priti Zinta

Priti Zinta (ing. Preity Zinta; 31 yanvar 1975, Şimla) — Hindistan kino aktrisası.

Priti Zinta
hind. प्रीति ज़िंटा
Doğum adı	Preetam Singh Zinta
Doğum tarixi	31 yanvar 1975(1975-01-31) (49 yaş)
Doğum yeri	Şimla, Himaçal Pradeş, Hindistan
Milliyyəti	Hindistanlı
Vətəndaşlığı	Hindistan
Atası	Late Durganand Zinta (zabit)
Anası	Nilprabha Zinta
Fəaliyyəti	Aktrisa, prodüser, yazıçı, təşəbbüskar
Fəaliyyət illəri	1998-günümüzə
Boyu	1,62 m
Çəkisi	52 kq[1]
IMDb	ID0006689
Vikianbarda əlaqəli mediafayllar

Priti Zinta 31 yanvar 1975-ci ildə anadan olmuşdur ^[2]. 13 yaşında atasını avtomobil qəzasında itirən Priti həyata belə uyğunlaşmağa məcbur olur. Hindistanın Şimla şəhərindən olan Priti universitetdə təhsil almaq üçün Mumbay şəhərinə gedir. Bir gün Priti parkda öz yoldaşı ilə oturarkən bir qadın ona yaxınlaşır və reklam işində işlədiyini deyir. Həm də bildirir ki, reklamda çəkiləcək model son anda bu işdən imtina edib. Pritinin simasını bəyənən qadın ona model olmağı təklif edir. Priti bu təklifi qəbul edir. Beləcə öz karyerasına reklam manekeni kimi başlayan Priti 1990-cı illərin sonlarında yoldaşlarını dəstəkləmək üçün sınaq çəkilişlərinə gedir. Bollivudun tanınmış rejissorlarından biri Şekar Kapur təsadüfən onu görür və öz yeni filminin baş rol ifaçısını tapdığını düşünür. Lakin rejissorun nəzərdə tutduğu layihə baş tutmur. Çünki o zaman Şekar Kapur "Elizabet" filminin beynəlxalq aləmdə tanınması üçün çalışırdı.

Priti Zintanın kino fəaliyyətinin başlanğıcı 1998-ci ilə təsadüf edir. "İlk baxışdan məhəbbət" filmində Priti Nair rolunu ifa edir ^[3]. Və elə həmin ildə də "Bollivudun Oskarı" sayılan Filmfare mükafatını əldə etməyə nail olur. Bu mükafatın sayəsində Priti bir neçə rejissordan baş rol təklifi alır. Beləcə onun böyük kino yolu başlayır.

Priti Zinta nüfuzlu hind kino aktyoru, həmkarı Şahrux Xanın hazırladığı "Temptations-2004" layihəsi ilə dünya turuna çıxmışdır.

Priti Zinta bir-birinə bənzəyən rol tiplərində oynadıqları üçün uzun müddət aktrisa Kacolun kölgəsində qaldı. Lakin zaman keçdikcə Pritinin də heyranlarının sayı artdı. Beləliklə, o da Kacol kimi tanınmış aktrisa oldu.

Priti Zinta həyatı boyu 2 dəfə ölümlə üz-üzə qalıb. Şri-Lankada "Temptations" turu olarkən partlayışdan, Hind okeanında istirahət edərkən isə sunamidən sağ çıxa bilmişdi...

2005-ci ildən bəri məşhur Hindistan ailələrindən olan Vadia fabrikinin sahibi Ness Vadia ilə eşq yaşayır. 2008-ci ildən nişanlısı Ness Vadia və daha iki iş adamı ilə birlikdə "Kings XI Punjab"ın sahibidirlər.

• Boyu - 162 sm
• Çəkisi - 52 kq
• Bədən fiqurası - 34-26-34
• Gözünün rəngi - Açıq-qəhvəyi
• Saçının (real) rəngi - Qara

• Priti Zinta — IMDb səhifəsi