Qüdrət Səmədov

Səmədov Qüdrət Aşur oğlu (4 aprel 1904, Sarvan, Cavad qəzası – 8 yanvar 1972, Salyan, Salyan rayonu) — kolxoz sədri, Sosialist Əməyi Qəhrəmanı.

Qüdrət Səmədov
Şəxsi məlumatlar
Doğum tarixi	4 aprel 1904(1904-04-04)
Doğum yeri	Sarvan, Cavad qəzası, Bakı quberniyası, Rusiya imperiyası
Vəfat tarixi	8 yanvar 1972(1972-01-08) (67 yaşında)
Vəfat yeri	Salyan, Salyan rayonu, Azərbaycan SSR, SSRİ
Partiya	Sovet İttifaqı Kommunist Partiyası
Fəaliyyəti	siyasətçi, kolxozçu[d]
Təltifləri

Qüdrət Səmədov 1904-cü il aprelin 4-də Salyanın Sarvan kəndində anadan olmuşdur. Pambıqçılığın inkişafında xidmətləri olub. İki əllə pambıq yığılmasının ilk təşəbbüsçülərindəndir.

1922-ci ildən 1946-cı ilədək SSRİ-nin 50 illiyi adına 1 nömrəli sovxozda, Muğan tikinti idarəsində fəhlə, Sarvan kəndindəki "Qırmızı Azərbaycan" kolxozunda kolxozçu, manqabaşçısı işləyib. 1946-cı ildən ömrünün sonuna qədər Nizami adına kolxozda sədr olub. 1947-ci ildə Sosialist Əməyi Qəhrəmanı adı alıb.

Azərbaycan SSR Ali Sovetinin (4–7-ci çağırış), SSRİ Ali Sovetinin (8-ci çağırış) deputatı olmuş, kolxozçuların 1, 2, 3-cü Ümumittifaq qurultaylarının nümayəndəsi seçilmişdir. Azərbaycan KP 21, 22, 24–28-ci qurultaylarında AKP MK üzvü seçilib.

2 dəfə "Lenin" ordeni, "Oktyabr inqilabı" ordeni, "Qırmızı əmək bayrağı" ordeni və medallarla təltif edilib.

Qüdrət Səmədov 1972-ci il yanvarın 8-də vəfat edib.

Anadan olmasının 100 illiyi yüksək səviyyədə qeyd edilib^[1] və 100 illiyi münasibətilə sərbəst güləş üzrə respublika turniri keçirilib.^[2]

Adına Salyan şəhərində küçə var.

Xalq Artisti Həsən Məmmədovun dayısıdır.

• Ağacavad Əlizadə — Qüdrət Səmədov (sənədli povest). Bakı: İşıq, 1977, 40 səh.

1. Ağacavad Əlizadə "Qüdrət Səmədov" kitabı 1977
2. "Ağ saçların dastanı" 2005.