Qırmızı meydan

Qırmızı meydan (rus. Красная площадь) və ya Qızıl meydan^[2] — Rusiyanın Moskva şəhərində meydan. Keçmiş kral qalası və hazırda Rusiya Prezidentinin rəsmi yaşayış yeri olan Kreml, eləcə də Vasili Blajennı kilsəsi, Spasskaya qülləsi bu meydanda yerləşir.

Qırmızı meydan
rus. Красная площадь
55°45′15″ şm. e. 37°37′12″ ş. u.HGYO
Ölkə	Rusiya
Şəhər	Moskva
Yerləşir	Moskva[1]
Əsas tarixlər	1963 - Avtomobillərin hərəkəti qadağan edilib.
Üslubu	Rusiya memarlığı
Vəziyyəti	stabil
UNESCO Ümumdünya İrsi
Tipi	Mədəni
Kriteriya	i,ii,iv,vi
Təyin edilib	1990
İstinad nöm.	545
Dövlət	Rusiya
Region	Avropa
Qırmızı meydan
Meydanın planı
Vikianbarda əlaqəli mediafayllar

Meydan XV əsrdə inşa olunub. Vladimir Leninin mavzoleyi də bu meydanda yerləşir. Təxminən 73 min m² sahəsi olan meydanda tarixən çox sayda nümayişlər, paradlar, mitinqlər keçirilmişdir. Burada eləcə də edamlar olmuşdur. İkinci Dünya Müharibəsində qalib gələn SSRİ qoşunları meydanda zəfər paradı keçirmişlər. 1987-ci il mayın 28-də Matias Rast adlı həvəskar bir alman pilotu Cessna tipli təyyarəsiylə meydana enmişdir. Rast təyyarəsiylə Almaniyadan əvvəlcə İslandiyaya, oradan Norveç və Finlandiyaya uçmuş, Finlandiyadan isə hava sərhəddini keçərək təyyarəsini Qırmızı meydanda yerə endirmişdir. Bu vaxt heç bir radar onu tutmamışdır. O bu addımını dünyada sülh naminə etdiyinə söyləsə də 437 gün Moskvada həbsdə saxlanılmışdır. Qırmızı meydan Kreml ilə birlikdə 1990-cı ildə YUNESCO tərəfindən Dünya Mirası siyahısına salınmışdır. Hazırda meydanda konsertlər təşkil olunur, dini və tarixi bayramlar qeyd edilir.

• Meydanlar

• Qırmızı meydanın 3D modeli Arxivləşdirilib 2013-01-07 at the Wayback Machine