Qəhrəman ağa Şıxlinski

Bu məqalə silinməyə namizəddir Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin. Müzakirə davam etdiyi müddət ərzində səhifədəki bu xəbərdarlığı silməyin. Bu məqalə sonuncu dəfə 37 saat əvvəl Yousiphh (müzakirə | töhfələr) tərəfindən redaktə olunub. (Yenilə)

Qəhrəman ağa Şıxlinski (1887, Qazax – 1956, Qazax) — Lenin ordeni ilə təltif edilmiş maarifçi-pedaqoq.

Qəhrəman ağa Şıxlinski
Şıxlinski Alay bəy İsfəndiyar bəy oğlu
Doğum tarixi	1887
Doğum yeri	İkinci Şıxlı, Qazax qəzası, Yelizavetpol quberniyası, Rusiya imperiyası
Vəfat tarixi	1956
Vəfat yeri	Kosalar, Qazax rayonu, Azərbaycan SSR, SSRİ
Mükafatları

1887-ci ildə Qazax qəzasının İkinci Şıxlı kəndində dünyaya gəlmişdir. Xalq yazıçısı İsmayıl Şıxlının atası, Cahandar ağanın kürəkənidir. İkinci Şıxlı kənd rus-tatar məktəbini bitirdikdən sonra Qori Müəllimlər Seminariyasında oxumuşdur (1901-1906). Qazaxın və başqa qəzaların müxtəlif kəndlərində müəllim, məktəb müdiri olmuş, bir çox yerlərdə məktəblər açılmasında və əhalinin maariflənməsində mühüm işlər görmüşdür.

Qəhrəman müəllimin şairlik istedadı da olmuşdur. İsmayıl Şıxlı “Cəbhə gündəlikləri” əsərində atasından şeirlə yazılmış məktub aldığını qeyd edir. Əsrin əvvəllərində Bakıda çıxan qəzet və jurnallarda (“Məktəb”, “Günəş” və sair) onun uşaqlar üçün kiçik hekayələri, şeirləri, didaktik xarakterli əsərləri dərc edilmişdir.

30-cu illərin əvvəllərində əvvəlcə Qazaxın Qaymaqlı kənd məktəbində müdir, sonra isə Kosalar kənd məktəbində rus dili müəllimi işləmişdir. Ömrünün sonunadək burada işləyən Qəhrəman müəllimin əməyi yüksək qiymətləndirilmiş və Lenin ordeni ilə təltif edilmişdir. 1956-cı ildə Qazax rayonunun Kosalar kəndində dünyasını dəyişmişdir.

• Şıxlinskilər

• [1] Arxivləşdirilib 2016-03-04 at the Wayback Machine