Qatarın dəmiryol stansiyasına daxil olması (film, 1898)

Kinosüjetdə qatarın Bakı dəmiryol stansiyasına daxil olması anları lentə alınmışdır.^[1]

Qatarın dəmiryol stansiyasına daxil olması
Film Musa Nağıyevin yaşayış binalarının yerində (28 May küçəsi) fəaliyyət göstərən Vasil-Vyatskinin teatr-sirkində nümayiş etdirilmişdir. Film Musa Nağıyevin yaşayış binalarının yerində (28 May küçəsi) fəaliyyət göstərən Vasil-Vyatskinin teatr-sirkində nümayiş etdirilmişdir.
Janr	sənədli film, səssiz film
Rejissor	Aleksandr Mişon[1]
Prodüser	Aleksandr Mişon
Ssenari müəllifi	Aleksandr Mişon
Operator	Aleksandr Mişon
İlk baxış tarixi	21 iyun 1898
Filmin növü	qısametrajlı sənədli film
Müddət	1 dəq.
Ölkələr	Rusiya imperiyası
Dil	səssiz
Texniki məlumatlar	1 hissə 35 mm
Rəng	ağ-qara
Çəkiliş yeri	Bakı
IMDb	ID1440272

• Bu kinolent xaraktercə dünya kino tarixinin başlanğıcında Lümyer qardaşlarının çəkdikləri eyni adlı filmin təkrarı idi. Bununla belə o reportaj manerasında lentə alınmış hadisəli informasiya süjetidir. Lentə alınan qatarın kinokameranın üstünə gəlməsi özü-özlüyündə kinematoqrafik situasiya yaratmış və tamaşaçıda ekspressiv-coşğun duyğular oyadaraq, onun hiss və həyəcanına fəal şəkildə təsir etmişdir. Şahidlərin yazdığına görə və kino tarixi ilə bağlı tədqiqatlardan məlum olur ki, Lümyer qardaşlarının ixtirasının ilk nümayişi zamanı tamaşaçılar parovozun ekran boyu sürətlə onların üstünə gəldiyini görüb qorxuya düşmüş və hay-küylə kafedən bayıra qaçmışlar. Şübhəsiz, həmin hadisə Bakıda da təkrar olunmuşdur.^[1]
• Bu kinosüjet Bakıda V. İ. Vasilyev-Vyatskinin teatr-sirkində iyunun 21-də göstərilmişdir.^[1]

Rejissor: Aleksandr Mişon

Operator: Aleksandr Mişon

• Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 11.
• Aydın Kazımzadə. "Bu belə olub". [Azərbaycan kinosu — 110] //"Cinema News" jurnalı.- 2008.- iyun.- səh. 10–11.