Qurgen Qabrielyan

Qurqen Qabrielyan (erm. Գուրգեն Արտեմի Գաբրիելյան; 11 iyun 1927^[1], Xanyeri, Əsgəran rayonu^[d] – 15 noyabr 2005^[1], Xankəndi) — erməni şair və yazıçı. Qarabağdakı erməni separatizminin öncüllərindən. 1986-cı ildə Azərbaycan SSR-nın əməkdar mədəniyyət işçisi adına layiq görülmüşdür.

Qurgen Qabrielyan
Doğum tarixi	11 iyun 1927(1927-06-11)[1]
Doğum yeri	Xanyeri, Əsgəran rayonu[d]
Vəfat tarixi	15 noyabr 2005(2005-11-15)[1] (78 yaşında)
Vəfat yeri	Xankəndi
Fəaliyyəti	şair, uşaq ədəbiyyatı yazıçısı
Vikianbarda əlaqəli mediafayllar

Qurqen Qabrielyan 1927-ci ildə Xocalı rayonunun Xanyeri kəndində anadan olmuş, 2005-ci ildə Xankəndi şəhərində vəfat etmişdir. Əsərlərindən bəziləri Azərbaycan dilinə tərcümə edilmişdir.

1949-cu ildə ikiillik Xankəndi Pedoqoji İnstitunda təhsilini başa vurmuş, 1954-cü ildə Azərbaycan Pedoqoji İnstitutunun Filologiya şöbəsində qiyabi oxumuşdur.

1940–1950-ci illərdə Xocalının Badara kənd məktəbində erməni dili və ədəbiyyatı müəllimi işləmişdir.

1950–1960-cı illərdə Xocalının Yemişcan kəndində müəllim fəaliyyətinə davam etmişdir.

1960–1963-cü illərdə, Xankəndi Xalq Yaradıcılıq Evinin direktoru, 1963–1966-cı illərdə Dağlıq Qarabağ Muxtar Vilayətinin Mədəniyyət Şöbəsinin direktoru, 1971–1974-cü illərdə Radio redaktoru, 1974–1976-cı illdər Xankəndidə Maksim Qorki adına Erməni dram Teatrının direktoru, 1978–1988-ci illərdə isə "Sovet Qarabağı" (rus. Советский Карабах) qəzetinin mədəniyyət şöbəsinin müdiri vəsifələrində işləmişdir.

1996-cı ildən Xankəndidə yerləşən Hovannes Tumanyan adına kitabxananın müdiri olmuşdur.

• Լեռնային վտակ (Dağ çayı), Bakı, Azərnəşr, 1961
• Ես հո փոքրիկ չեմ (Mən ki uşaq deyiləm), Bakı, Azərnəşr, 1967
• Լեռնային կածան (Dağ Yolu, Горная тропа), Moskva, 1973
• Ընտիր երկեր (Seçilmiş Əsərləri), Bakı, Gənclik, 1978
• Ակունքներ (Qaynaqlar), Bakı, Yazıçı, 1981

• "Mən ki uşaq deyiləm", "Gənclik", 1974, Bakı, tərcüməçi: İlyas Tapdıq