Rövşən Ağamalıyev

Rövşən Ağamalıyev - Qarabağ müharibəsində şəhid olmuş döyüşçü.^[1]

Rövşən Ağamalıyev
Rövşən Ağamalıyev Baloğlan oğlu
Doğum tarixi	7 sentyabr 1975
Doğum yeri	Bankə qəsəbəsi, Neftçala rayonu, Azərbaycan SSR
Vəfat tarixi	23 iyul 1993 (17 yaşında)
Vəfat yeri	Azərbaycan Respublikası, Atçılıq Savxozu
Vəfat səbəbi	Tankının vurulması
Vətəndaşlığı	Azərbaycan Respublikası
Atası	Baloğlan Ağamalıyev
Milliyyəti	Azərbaycanlı
Mükafatları

Rövşən Ağamalıyev Baloğlan oğlu 1975-ci ildə Neftçala rayonu Bankə qəsəbəsində anadan olmuşdur. Bankə qəsəbə 1 nömrəli orta məktəbində və Neftçala texniki-peşə məktəbində təhsil almışdır.

15 yaşıda Qarabağ müharibəsi başlayan vaxtı 3 yoldaşı ilə birlikdə evdən gizli qaçıb Zəngilana getmiş və könüllü olaraq ordu sıralarına qoşulmaq istədiklərini bildirmişdi amma yaşlarının az olduğundan komandanlıq onları geri qaytarmışdı. 17 yaşında yenidən könüllü olaraq ordu sıralarına qoşulmuş və Ağdamın Mərzili , İsmayılbəyli , Bağmanlar kəndləri uğrunda gedən döyüşlərdə xüsusi igidliklər göstərmişdir.^[1]

1993-cü il 23 iyulda Ağdam rayonundakı Atçılıq sovxozunun azad olunması uğrunda gedən döyüşlərdə piyadalarımızın döyüş mövqeyində normal dayanmalarından ötrü zədələnmiş döyüş maşınını özü təmir etmiş, texnikanın üstündə düşmənlərə hücum etmiş, döyüş bölgəsi önündə yerləşən 13 saylı postda olmuş, düşmən texnikasının irəliləməsinə imkan verməmiş, düşmən piyadalarını məhv etmiş, yaralanmış döyüşçülərimizin döyüş mövqeyindən çıxması üçün bütün hərbi tədbirləri görmüş, işğalçıların güclü hücumuna baxmayaraq döyüş mövqeyini tərk etməmiş, düşmən əsgərlərinin irəliləməsinin qarşısını almışdır və sonda qəhrəmanlıqla həlak olmuşdur.^[1]

Döyüşlərdə göstərdiyi şücaətə görə ölümündən sonra "İgidliyə görə" medalı ilə təltif olunmuşdur.

• Qarabağ müharibəsi