Rəna Məmmədova

Rəna Azər qızı Məmmədova (27 fevral 1950, Bakı) — Sənətşünaslıq üzrə elmlər doktoru (1991-ci il),[1] Professor,[2] AMEA-nın müxbir üzvü (29.06.2001).[3]

Rəna Məmmədova
Məmmədova Rəna Azər qızı
Doğum tarixi (73 yaş)
Doğum yeri Bakı şəhəri
Vətəndaşlığı Azərbaycan Azərbaycan
Elm sahəsi Musiqişünas
Elmi dərəcəsi Sənətşünaslıq üzrə elmlər doktoru
Elmi adı Professor
Alma-mater Azərbaycan Dövlət Konservatoriyası, musiqişünaslıq fakültəsi
Təhsili

Həyatı[redaktə | mənbəni redaktə et]

Rəna Məmmədova 27 fevral 1950-ci ildə Bakı şəhərində anadan olub. 1968-ci ildə Bülbül adına Orta İxtisas Musiqi Məktəbini, 1973-cü ildə isə Azərbaycan Dövlət Konservatoriyasını bitirmişdir.

1978-ci ildən etibarən Azərbaycan Milli Elmlər Akademiyasının Memarlıq və İncəsənət İnstitutunda elmi işçi kimi işə başlayır. 1990-cu ildə "İncəsənətin qarşılıqlı əlaqələri" şöbəsini təşkil edib və 25 il ərzində rəhbərlik edir. 1991-ci ildə doktorluq dissertasiyasını müdafiə etmişdir.

Alimin tədqiqatlarının dairəsi əsasən türk dünyasının mədəniyyəti ilə bağlı olmuşdur. Rəna Məmmədovanın elmi yaradıcılığının ən vacib və mühüm mərhələsini musiqi türkoloqiyasının elmi əsaslarının yaradılması təşkil edir. Bu ad altında 2003-cü ildə Rəna Məmmədovanın monoqrafiyası işıq üzü görmüşdür ki, bu da sənətşünaslıq elminin yeni sahəsinin nəzəri-metodoloji müddəalarının əsasını qoymuşdur.

Rəna Məmmədova Rusiya Pedaqoji və Sosial Elmlər Akademiyasının həqiqi üzvü, Azərbaycan Bəstəkarlar İttifaqının İdarə heyətinin üzvü, Azərbaycan Rəssamlar İttifaqının üzvü, Azərbaycan Respublikası Ali Attestasiya Komissiyasının Ekspert Şurasının üzvü, "Simurq" mədəniyyət cəmiyyətinin Rəyasət heyətinin üzvü və Azərbaycan Zadəganlar məclisinin üzvüdür.

Təltif və mükafatları[redaktə | mənbəni redaktə et]

  1. "Azərbaycan bayrağı"
  2. "Qızıl qələm"
  3. "Xalqın nüfuzlu ziyalısı"
  4. "Simurq" Azərbaycan Mədəniyyət Assosiasiyasının diplomu
  5. "Simurq" Beynəlxalq medalı
  6. AMEA-nın Fəxri Fərmanı – № 24/1, 12.12.2005-ci il
  7. AMEA-nın Fəxri Fərmanı – № 9/10, 02.04.2010-cu il

Elmi əsərləri[redaktə | mənbəni redaktə et]

  1. Azərbaycan muğamında funksionallıq problemi. Elm, 1989.
  2. Bakının teatr həyatından. Elm, 2006.
  3. Из истории азербайджанского музыкального театра. Элм, 2006.
  4. Azərbaycan muğamı. Elm, 2002.
  5. Musiqili türkologiyası. Elm, 2002.
  6. Azərbaycan musiqili teatrı tarixindən səhifələr. Elm, 2006.
  7. Rusiya və Qafqaz. 2010.

Xarici keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. ↑ "Professor - Məmmədova Rəna Azər qızı". 2022-12-06 tarixində arxivləşdirilib. İstifadə tarixi: 2022-12-06.
  2. ↑ "elmlər doktoru - Məmmədova Rəna Azər qızı". 2022-12-06 tarixində arxivləşdirilib. İstifadə tarixi: 2022-12-06.
  3. ↑ "Məmmədova Rəna Azər qızı" (az.). science.gov.az. 2017. 2021-04-10 tarixində arxivləşdirilib. İstifadə tarixi: 2017-04-05.