Respublika Narkoloji Mərkəzində yanğın

Respublika Narkoloji Mərkəzində yanğın — Bakı şəhəri, Xətai rayonu, Zığ şosesi 13 ünvanında yerləşən Azərbaycan Respublikası Səhiyyə Nazirliyinin tabeliyində olan Respublika Narkoloji Mərkəzində 2 mart 2018-ci ildə baş vermiş yanğın[1][2].

Respublika Narkoloji Mərkəzində yanğın
Yanğından sonra
Yanğından sonra
Ölkə Azərbaycan Azərbaycan
Bölgə Bakı
Yanma tarixi 2 mart 2018
06.10
Sönmə tarixi 2 mart 2018
08:30
Ölənlər 25
Respublika Narkoloji Mərkəzində yanğın xəritədə
Vikianbarın loqosu Vikianbarda əlaqəli mediafayllar

Tarixi[redaktə | mənbəni redaktə et]

Mərkəzin tarixi[redaktə | mənbəni redaktə et]

Mərkəzin ərazisi

Səhiyyə Nazirliyinin balansında olan mərkəz 1986-cı ildə yaradılmışdır[3]. Rəhbəri Telman Məmmədhəsənovdur[3].

Yanğının zamanı[redaktə | mənbəni redaktə et]

Yanğın 2018-ci il martın 2-də saat 06.10-da beş korpusdan ibarət Respublika Narkoloji Mərkəzinin birinci korpusunda baş vermişdir[1].

Səbəbləri[redaktə | mənbəni redaktə et]

İlkin araşdırmaların nəticələrinə görə yanğın binanın elektrik şəbəkəsində yaranan nasazlıq səbəbindən baş vermişdir[1].

Xilasetmə[redaktə | mənbəni redaktə et]

Hadisə yerinə dərhal Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi, texnikası, Səhiyyə Nazirliyinin Təcili Tibbi Yardım xidmətləri cəlb edilmişdir. Ərazinin mühafizəsi və xilasedicilərin maneəsiz fəaliyyəti Daxili İşlər Nazirliyinin Əlahiddə Çevik Polis Alayının və Xətai Rayon Polis İdarəsinin əməkdaşları tərəfindən təmin olunmuşdur. Operativ surətdə həyata keçirilən tədbirlərlə korpusda olan 55 nəfərdən 30-u xilas edilmiş, onlardan 3-ü Səhiyyə Nazirliyinin Respublika Toksikologiya Mərkəzinə yerləşdirilmişdir. Yanğın saat 08:30-da söndürülmüşdür[1].

Nəticələri[redaktə | mənbəni redaktə et]

Hadisə yerinin müayinəsi zamanı 25 nəfərin cəsədi aşkar edilmişdir[1][4].

Rəsmi münasibət[redaktə | mənbəni redaktə et]

Prezident İlham Əliyev hadisə yerində

Azərbaycan Respublikasının Prezidenti İlham Əliyev dərhal hadisənin baş verdiyi Respublika Narkoloji Mərkəzinə gedərək vəziyyətlə tanış olmuşdur[1].

Fakt üzrə Baş Prokurorluq tərəfindən dərhal cinayət işi başlanılmış, həmçinin Baş Prokurorluğun, Daxili İşlər və Fövqəladə Hallar nazirliklərinin təcrübəli əməkdaşlarından ibarət istintaq-əməliyyat qrupu yaradılmışdır[1].

Həyata keçirilən tədbirləri Azərbaycan Prezidenti şəxsi nəzarətə götürmüşdür[1]. Azərbaycan Respublikası Prezidentinin 2 mart 2018-ci il tarixli Sərəncamı ilə Respublika Narkoloji Mərkəzində baş vermiş yanğın ilə əlaqədar Azərbaycan Respublikası Baş nazirinin müavini Abid Şərifovun sədrliyi ilə Dövlət Komissiyası yaradılmışdır[2].

İstinadlar[redaktə | mənbəni redaktə et]

  1. ↑ 1 2 3 4 5 6 7 8 İlham Əliyev yanğın baş verən Respublika Narkoloji Mərkəzinə gələrək vəziyyətlə tanış olub Arxivləşdirilib 2018-03-04 at the Wayback Machine. president.az, 02.03.2018  (az.)
  2. ↑ 1 2 Respublika Narkoloji Mərkəzində baş vermiş yanğın ilə əlaqədar Dövlət Komissiyasının yaradılması haqqında Azərbaycan Respublikası Prezidentinin Sərəncamı Arxivləşdirilib 2018-04-07 at the Wayback Machine. president.az, 02.03.2018  (az.)
  3. ↑ 1 2 Dispanser 32 ildir ki, o binada imiş… — 24056 nəfər qeydiyyatdadır Arxivləşdirilib 2019-08-29 at the Wayback Machine. qafqazinfo.az, 02.03.2018  (az.)
  4. ↑ Həlak olanların sayı 25-ə çatdı Arxivləşdirilib 2018-03-04 at the Wayback Machine. qafqazinfo.az, 02.03.2018  (az.)

Xarici keçidlər[redaktə | mənbəni redaktə et]

Vikianbarda Respublika Narkoloji Mərkəzində yanğın ilə əlaqəli mediafayllar var.