Rosa helenae

Rosa helenae (lat. Rosa helenae) — bitkilər aləminin gülçiçəklilər dəstəsinin gülçiçəyikimilər fəsiləsinin i̇tburnu cinsinə aid bitki növü.

Rosa helenae
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Gülçiçəyikimilər Yarımfəsilə: Qızılgülkimilər Triba: Roseae Cins: İtburnu Növ: Rosa helenae
Beynəlxalq elmi adı
Rosa helenae Rehder & E.H.Wilson, 1915
Şəkil axtarışı ITIS   836498 NCBI   267237 EOL   414240

Qafqazda və Avropada yayılmışdır.

Hündürlüyü 1,5-2 m olan kollardır. Qopartikanları bir formada, iri, əyilmiş, bəzi hallarda düz, qaidə hissəsi çox enliləşmişdir, yarpaqları yumşaq tüklüdür, 5-7 ədəd yumurtavarı və ya ellipsşəkilli, az iylidir. Vəzicikli və yumşaq tüklə örtülü, mişardişli yarpaqcıqlardan ibarətdir. Yarpaqaltığı 8-12 mm uzunluğunda, 5-6 mm enində olub, qısa, nazik sivri qulaqcıqlara malikdir. Bunlar üstdən çılpaq və hamar, altdan kənarı boyu vəzili və sıx tüklərlə örtülüdür. İyun və iyul aylarında çiçək açır. Çiçəkləri tək və ya 2-3 olmaqla yerləşmişdir, uzunsaplaqlıdır. Kasayarpaqcıqları iri, 18 mm-ə qədər uzunluqda, tez töküləndir, üstdən bir qədər tüklü, alt tərəfi və kənarları seyrək vəziciklərlə örtülüdür. Ləçəkləri açıq çəhrayı rəngdə olub, kasayar-paqcıqlarından qısadır. Meyvəsi yumurtavarı və ya enli ovalşəkillidir, üzəri seyrək tüklər və vəziciklərlə örtülüdür.

İstyə, soyuğa, quraqlığa davamlıdır.Düzənlikdən subalp qurşağa qədər kolluqlarda, daşlı-çınqıllı yamaclarda bitir.

Böyük Qafqaz (Quba sahəsi), Şərqi və Qərbi Böyük Qafqaz, Naxçıvan MR-da geniş yayılmışdır.

Dekorativ bitkidir. Tək və qrup əkinlərində istifadəsi məqsədyönlüdür.